Ерөнхий сайд Н.Алтанхуяг нь УИХ-ын гишүүн асан П.Алтангэрэл, Батж.Батбаяр, Кёкүшюзан Д.Батбаяр, Д.Зоригт, С.Ламбаа, Ц.Сэдваанчиг, Д.Одхүү, Л.Гансүх гэсэн орон тооны 8 зөвлөхтэй. Тэднээс Л.Гансүх нь хамгийн том нь буюу “Ахлах зөвлөх” байсан юмсанж. Ахлах зөвлөхөө хориулсан Ерөнхий сайд Н.Алтанхуяг телевиз, цахим хэвлэлээр “Шинэчлэлийн Засгийн газрын “Нүүрс” хөтөлбөрийн үр дүнд 200 мянган төгрөгийн үнэтэй 1 тонн нүүрсийг 80 мянган төгрөгөөр иргэд худалдан авсан. Гол хичээл зүтгэл гаргасан хүн нь Л.Гансүх байлаа. Гэтэл Засгийн газрын хийсэн ажлын нэр хүндийг унагаахын тулд ажил хийсэн хүмүүсийг хэлмэгдүүлж, шоронд хорьж эхлэв. Тиймээс Ерөнхий сайд миний бие хатуу тэмцэх болно” гэж савлав.
Н.Алтанхуяг түргэн авч Төв аймгийн мөрдөнд дайрч ороод Л.Гансүхтэйгээ нууц байдалд уулзсан байна. Ерөнхий сайд түүнээс салахдаа “Чи тэсээд сууж байгаарай. Би яаж ийж байгаад чамайг суллана” гэж ам гарсан тухай мөрдөнгөөр нэг яриа дэгдэв. Л.Гансүх Төв аймгийн мөрдөнд ачигдаж очоод л даралт нь ихэсч, зүрхний пульс нь нэмэгдээд эмч нарыг сандаргажээ. Тэрбээр камерын төмрөн хаалга дуугарахад өмдөндөө нойтогносон гэх яриа сэжигтнүүдийн дунд дорхноо тархсан байна. Хэн ч гэсэн ийм үед барьц алдах л байх. Өмдөндөө дусаадаг л тиймхэн юм болж.
Цагаан захтнууд ээлж дараалан энэ хаалгыг татаж буй ч одоогоор ийм тодотголтой хүн Л.Гансүхээс өөр алга даа.
Сэтгэгдэл (2)