О.Гүндэгмаа алтан медаль хүртлээ

Буудлагын насанд хүрэгчдийн улсын аварга шалгаруулах тэмцээний эмэгтэйчүүдийн 25 метрийн спорт гар бууны дасгалын медальтнууд тодорлоо.

25 метрийн спорт гар бууны дасгалд 21 тамирчин өрсөлдсөнөөс Хөдөлмөрийн баатар, гавьяат тамирчин О.Гүндэгмаа алтан медаль хүртэж, олон улсын хэмжээний мастер Ө.Өлзийням, Ц.Мөнхзул нар мөнгө хүрэл медаль хүртсэн байна.

Тэмцээний хуваарийн дагуу эрэгтэй, эмэгтэй хийн гар бууны 10 метрийн дасгал болж байгаа бөгөөд ирэх бямба гаригт өндөрлөх аж.

                                                                                                                                                 Н.Дарий