НИТХ-аар замын хөдөлгөөний дүрэм зөрчиж автомашинаа байрлуулсан тээврийн хэрэгслийн дугуйг зориулалтын дугуй түгжигч ашиглан түгжих журмыг баталсан. Тэгвэл энэхүү журам энэ сарын 18-ны өдрөөс эхлэхээр болжээ.
Түүнчлэн дугуйгаа түгжүүлсэн иргэд 20 мянган төгрөгийн торгууль төлөөд автомашинаа чөлөөлж авах юм байна. Өнгөрсөн хугацаанд хориглосон газар зогссон, замын хөдөлгөөнд саад учруулсан автомашиныг ачих үйлчилгээг Замын хөдөлгөөний удирдлагын төвөөс явуулж байжээ.
Харин энэ хугацаанд иргэдээс төлбөр өндөр, журмын хашаа хол байна гэх зэрэг гомдол нэлээд иржээ. Тиймээс иргэдийн гомдлын дагуу дугуй түгжих хэрэгжүүлэхээр болсон гэнэ.
Сэтгэгдэл байхгүй байна