Халх голын ялалтын 75 жилийн ойн хүрээнд олон ажил төлөвлөөд байгаа билээ. ОХУ-ын Дорнод цэргийн тойргоос байлдаан техник бүхий цэргийн хоёр цуваа Орос-Монголын хамтарсан “Сэлэнгэ-2014” цэргийн сургуулилалт оролцохоор өчигдөр орос цэргүүд Монгол ирлээ. Сургуулилтад хойд хөршөөс Дорнод цэргийн тойргийн 500 орчим цэрэг болон 100 нэгж техник оролцох юм байна.
Нөгөөдөр буюу энэ сарын 15-нд эхлэх энэ удаагийн сургуулилт гурван онцлогтой. Нэгдүгээрт, хоёр талаас ороцох бүрэлдэхүүний тоог нэмсэн, хоёрдугаарт, хамтарсан сургуулилтыг анх удаа тал хээрийн нөхцөлд явуулна, гуравдугаарт сургуульд хоёр талын нисэх хүчний ангиуд оролцоно.
Орос цэргүүд Өвөр Байгалийн хязгаарт байрлалтай цэргийн тойргийн нисэх хүчний баазын “МИ-24” нисдэг тэргүүдтэйгээ оролцохоор иржээ. Түүнчлэн 152 миллиметрийн өөрөө явагч “Акация” их бууны төхөөрөмж, гэрэлт буудлагын “Гранд” тийрэлтэт систем, “Зенит”-ийн өөрөө явагч “Шилка”төхөөрөмжөө манай улсад анх удаа авчирчээ.
Харин манай улсаас Зэвсэгт хүчний 327 дугаар ангийн штаб, салбарууд үндсэн бүрэлдэхүүн болж орно. Бусад ангиас оролцох цэрэг, зэвсэг техникийн гурван цуваа Мөххэт рүү энэ сарын эхээр Улаанбаатараас маршаар хөдөлсөн. Сургуулилтын төгсгөлд бие бүрэлдэхүүнд Халх голын байлдааны ялалтын 75 жилийн ойн баярын арга хэмжээ, цэргийн ёслолын жагсаалд оролцох юм.
Мөн Монголын Залуучуудын Холбоо Оросын Шинжлэх Ухаан, Соёлын Төв буюу РЦНК-тай хамтран ажиллах гэрээнд МЗХ-ны ерөнхийлөгч А.Мөнхбат, Улаанбаатар хот дахь ОУСТөвийн захирал Е. Г. Михайлов нар гарын үсэг зурлаа. Хоёр орны залуучуудын хооронд ойртон нөхөрлөх, соёлын солилцоо явуулах санал санаачлагуудыг эрчимжүүлэхэд цаашид хамтран ажиллахаар болжээ.
МЗХ-ны зүгээс Халх голын ялалтын 75 жилийн ойн хүрээнд ”Ялалтын төлөөх бахархалын гал” залуучуудын экспедицийг хамтран зохион байгуулах, “Байкал-2020” залуучуудын зуны зусланд монгол залуучуудыг хамруулах зэрэг хэд хэдэн төсөл, хөтөлбөрийг Оросын талтай хамтран хэрэгжүүлэхээр төлөвлөөд байна. Уг аялалд ОХУ-с 75, Монголоос 75-н залуу оролцоно гэнэ. МЗХ нь дээр энэ сарын 22-30-ны хооронд явах хүсэлтэй залуусын бүртгэж байгаа аж. Яагаад Японоос 75 залуус хамрагдаж болохгүй гэж, дайнд гурван орон оролцсон гэж санал гаргах хүмүүс ч байгаа гэнэ шүү. Манайхны сэтгэлгээ гэж ...
Н.Дарий
Сэтгэгдэл (11)