Үзэсгэлэнт гэргий, хурдан удмын хүлэг, хөрөнгө зоорь гээд энэ эрхэмд одоо дутуу гуцуу юм үнэндээ алга. Бэлтэй эрд сэтгэл алдрах бүсгүй олон, эр хүний л хувьд түүний учирсан бүсгүйчүүд олон ч түүний сэтгэлийн мухарт Баярмаа хэмээх хатагтай хүндтэй байр суурь эзэлдэг нь топ secret ч гэлээ туйлын үнэн факт. “Хүний амьдрал яаж өөрчлөгдөж хувьссан ч анхны амьдралыг гүйцэх амьдрал заяадаггүй” гэдэг ортой үг биз.
Баярмаа бол “Ажнай”-н анхны гэргий юм. Халаас нимгэн философийн даржин багш залууг олноос онцлон сонгосон Баярмаа тухайн үеийн 40, 50 мянгатын сэхээтэн гэр бүлээс гаралтай, Москвад хэвлэлийн техникч мэргэжил эзэмшсэн элит бүсгүй байсан гэдэг. Ямартаа л анхны байрныхаа тавилгыг өөрийн мөнгөөр авч гал голомтоо бадрааж байхав дээ.
Харин энэ бүсгүй бол тэдний гал халуун хайраас нахиалсан үр Б.Чандмань. Ээж, аавыгаа дуурайсан сийрэг толгойтой Б.Чандмань багаасаа математик, физикийн олимпиадын тэргүүн байрыг алддаггүй байсан гэдэг Улмаар МУИС-д тэтгэлгээр суралцах эрх авч, хожим Японд Засгийн газрын тэтгэлгээр мөн амжилттай суралцжээ.
Баярмааг ОХУ-д суралцахаар явсан хойгуур Б.Бат-Эрдэнэ өөр бүсгүйд сэтгэл алдарсан явдал эхнэрийнх нь чихэнд хүрснээр тэд хоёр тийш болсон гэдэг. Өөрийн мөнгөөр авсан бүх тавилгаа ачиж аваад нөхрийнхөө ээжид байрных нь түлхүүрийг өгөөд хар цагаан дуугүй одсон Баярмаагийн араас Б.Бат-Эрдэнэ тэгтлээ нэхэл дагал болж төвдөөгүй аж.
Одоогийн “MCS” группийн Ж.Од захирал залуу ахуйдаа Баярмаад сэтгэл алдарч байсан боловч Б.Бат-Эрдэнэд алдсан гэдэг. Хүний амьдрал хувь заяа гэдэг сонин, Монголын 2 тэрбумтны хайрыг татаж явсан Баярмаа бүсгүй хэн хэнийх нь ч цайг чанаж, хөрөнгөнөөс идэлгүй бор зүрхээрээ амьдарч яваа гэдэг.
Хамгийн сонирхолтой нь ноён “Ажнай” албан ёсны анхны болоод цорын ганц гэргийгээсээ одоо болтол гэрлэлтийн баталгаагаа салгуулаагүй гэдэг. Хэдэн жилийн өмнө анхны гэргийтэйгээ таараад “Ажнай”, “Хоёулаа гэрлэлтээ цуцлуулахгүй шүү” гэж хэлсэн гэж байгаа.
Бүсгүй хүний тавилан эндэхдээ амархан, эвлэхдээ удаан байдаг хойно. Баярмаа түүнээс салсны дараа ангийн залуутайгаа амьдралаа холбосон боловч бүтээгүй. Салахдаа эцэгт нь хүүхдийг нь өгч явуулахдаа “Би ямар олон эцгийн хүүхдийн цуглуулга хийх гэж байгаа биш” хэмээн түс тас хэлж байсан аж.
Харин Баярмаа хатагтайн амьдралын ганц нар болсон Б.Чандмань охин хэдий баян аавтай ч гэлээ хааяа тун чухал шаардлага гарсан үед л замын зардал, аахар шаахар хэрэглээний мөнгө ноён “Ажнай”-гаас авна уу гэхээс баярхаж, бардах нь бүү хэл эгэл даруу, эгээтэй ээжтэйгээ ижилхэн араншинтай гэдэг. Бие даасан хэрсүү, толгой сайтай тун удахгүй докторын зэрэг хамгаалах охиндоо зориулсан супер төлөвлөгөө цуутай баян эрхэмд байгаа л байлгүй.
У.Цахирмаа
Сэтгэгдэл (6)