Улс төрийн ертөнцийн “амьд домог” болсон Р.Гончигдоржийн гэргий Д.Хишигт хатагтайтай их хотын хаана л бол хаана таарах нь бий. Нэг их ямба зааж, намба үзүүлээд байдаггүй тун даруухан байдлаараа эрхэм түшээдийн гэргийдээс ялгардаг гэмээр юм.
Энэ удаад түүнтэй “Нарантуул”-ын дэргэд тааралдав. Харваас, зах хэсвэл ч хэсэх байрын энгийн хувцас өмсөөд зам дагуу эгнүүлж өрсөн бараа сэлтийг барьж үзэн эв нь таарвал наймаа тохирох нь уу гэмээр харагдсан. Ер нь яагаад болохгүй гэж?
Тусгай эрх ямба эдэлдэг, тусгай хүн гэж аквариумд байгаа загас шиг амьдарсанаас ард түмэнтэйгээ “их далай”-д бужигнах сайхан шүү дээ. Хэрвээ гэргий нь ийм байвал ямартай ч нөхөр түшээ нь талхны үнэ мэдэхгүй хөглөхгүй.
Угаас айл гэрийн эзэгтэй төсвөө захиран зарцуулахдаа аль болох “чанга” гартай, бага өртгөөр чанартай бараа олж чаддаг байж гэмээнэ болоод явчих нь тэр. Энэ тал дээрээ Д.Хишигт хатагтай хэнийг ч дагуулахгүй нь байна шүү.
Гончигоо гишүүн зургаан настайдаа сургуулийн босго алхаж, 16-тай байхдаа сумын сумын төвөөс хотын олимпиадад ирж тэргүүн байр эзэлсэн улаан “гавал”. Тэр үеийн хүүхдүүдийн шүтээн байсан гэдэг. Харин гэргийтэйгээ бол мөн л тооны ачаар танилцсан.
Аравдугаар ангийн сурагч байхдаа олимпиадын бэлтгэл хийхээр түүнд шавь орсноор тэдний дурлал эхэлсэн. Д.Хишигт хатагтай Киевт их сургуулт төгсөж, Эдийн засгийн хүрээлэнд ажиллаж байсан. Нэг үгээр хэлбэл бас л толгой гэж “тооны машин”. Ийм хүн нэг наймаа хийхээр гарсан бол хамгийн том дэлгүүр байтугай, хар захынхныг ч “умруулна” даа.
Д.Сэргэлэн
Сэтгэгдэл (5)