УДЭТ-ын найруулагч, Төрийн шагналт Н.Наранбаатар удахгүй дэлгэцийн гурав дахь бүтээлээ хийх гэж байна. Хоёр жил гаран бодсон зохиолоороо кино хийх болсон талаараа тэрээр ярьсан байна. Зураг авалт нь энэ сарын 15-нд эхлэх юм.
Кинонд гурван үеийн амьдралыг харуулах тул жүжигчдийн сонголтоо нас бүрт өөр жүжигчин тоглохоор бодож хийжээ. Эмэгтэй гол дүрд “Мөрөөдлийн театр”-ын О.Дөлгөөн, эрэгтэйд Х.Билэгжаргал, Ж.Мөнгөнсүх нар тоглох аж. Харин дунд үеийн эрэгтэй гол дүрд О.Гэрэлсүх, С.Болд-Эрдэнэ нар тоглох аж. Эмэгтэй гол дүрд Р.Анхнямыг тоглуулахаар төлөвлөсөн байна. Ахмад үеийнхэд Н.Батцэцэг, Ц.Төмөрбаатар нарыг тоглуулахаар санал тавиад байгаа юм байна.
Жүжигчдийн баг нь тун сонирхолтой бүрдсэн Н.Наранбаатартын бүтээлийг үзэгчид тэсэн ядан хүлээх нь дамжиггүй. Мелодрам чиглэлийн артхаус буюу жүжигчдийн ур чадварыг илүү харуулсан бүтээл хийхээр төлөвлөж байгаа аж.
Сүүлийн үед эхнэр, хүүхдээсээ өрх тусгаарласан гэгдээд буй Бэки ямартай ч шинэ уран бүтээлд сонгогджээ. Шинэ амьдралын хэв маяг шинэ уран бүтээлтэй түүний амьдрал шинэ бүхнээр дүүрэн байх шиг. Ямартай ч жүжигчний хувьд бас ч гэж хоосонгүй болохоо харуулсан тэрээр чадварлаг найруулагчийн нүдэнд торсон нь алдаж болохгүй завшаан биз ээ.
Д.Сэргэлэн
Сэтгэгдэл (3)