Өдөр болгон тайзны будалттай, өнгө үзэмж төгс хувцаслаж хүүхэлдэй шиг хачин гоё амьтан явах хэцүү л байдаг байлгүй. Хэдий урлагийн, олны танил байлаа гээд адилхан л хүн юм чинь хааяа гэнэ алдаж л таарна. Очиж очиж яг зохисгүй хувцасласан үедээ гэрэл зурагчинтай таарч л байдаг. Азгүй ч гэмээр юм уу даа. Энэ үед тэдний яг “час өдөр” байсан байх даа. Бидэнд зураг нь байна уу, байна. Байгаа юман дээр багахан хачир нэмлээ. Сонжоорой.
МУГЖ Б.Сарантуяа хүннү загварын дээл ид моодонд орж байгааг соргог мэдэрч. Гэхдээ яг ийм саарал өнгөтэй, дээрээс нь барын эрээн хээтэй нь бол ховор тохиолдох байх.
Их л гаж дизайнер түүнийг олноос онцгой болгох гэж гараа гарган урлаж дээ. Хар саатай зузаан тирко, барын эрээн саарал гутал бүгдээрээ хэт эрээн мяраан юм.
Энэ хавиараа хэд алхахад нүд эрээлжлэх шинжтэй. Манай үндэсний дээл, хувцасанд барын эрээн хээ яг хэзээнээс моодонд орсныг оноож хэлэхэд хэцүү юм. Нүдэнд дасаж өгөхгүй загвар байна даа.
Топ модель Д.Болормаа яагаад ч юм шилэн триконоос татгалзчихаж. Гэхдээ энэ энгийн ч нэг тайз биш шүү.
"Гэгээн муза” шагнал гардуулах ёслолын арга хэмжээн дээр топ маань ийм хувцаслалттай ирсэн байх юм.
Хөвөрсөн шилэн оймс, халцарсан хумсны лаактай явж болохгүй зэргийн наад захын ойлголтоос хальсан мэдрэмжтэй хатагтай магадгүй энэ үед бага зэрэг жиндсэн юм болов уу даа. Эсвэл залхуурсан ч байж болох.
Түүнээс топ байтугай тооны багш ч ийм тайзан дээр тоостой хавар намрын гутал өшиглөж, “эмээ” трикотой гарахгүй дээ.
Хэзээд өнгөлөг, амтлаг, исгэлэн “Киви”-гийн хамгийн содон “амт“ Ука үргэлж дэгжин байдаг. Яг энэ хувцаслалт нь харин гярхай нэгний нүдэнд өртөхгүй байхын арга алга.
Хар торон трикон дээр өмссөн сандаал нь нэлээд “эрт галав”-ын гэмээр загвартай юм. Магадгүй энэ үед санамсаргүй буруу гутлаа цүнхлээд ирсэн ч юм уу, бүү мэд л дээ.
Бидний мэдэх Ука иймэрхүү гэнэн алдааг тэр тусмаа хувцаслалтан дээрээ санаатай гаргаагүй гэж найдья.
А.Мөнгөнзул ер нь улаан өнгөнд “нугасгүй” юм шигээ. “Дүүлэн нис” киноныхоо нээлтэн дээр гал улаан даашинз намируулан ирж байсан.
Харин энэ бол шагнал гардахдаа өмсөж ирсэн бас нэг “улаахан” нь. Дээр нь торон бээлий нь нэмэгдээд хэт секси биш байна гэж үү.
Уг нь ч секси имиж бас ч гоё тодотгол. Гэтэл энэ хээтэй улаан бээлийг секси гэхэд ч хэцүү, болхи ч гэмээр юм уу.
Ийм маягийн даашинзыг ер нь хаана ч өмсмөөр юм бэ дээ. Шагнал авах хүний хувцас лав биш. Хэт илэн далангүй, секси имиж нь төгс төгөлдөр гэхээсээ өөр л утга илэрхийлээд байна даа.
Заавал ингэхгүй байсан ч түүнийг аятайхан бүсгүй гэдэг дээр олон хүн санал нийлнэ.
Хөтлөгч Т.Өөдөө амаржаад багагүй жин нэмээд байсан үе. Угийн эрч хүчтэй бүсгүйд энд тэнд арга хэмжээ хөтлөх урилга заллага ч тасралтгүй ирдэг.
Харин энэ бол талбай дээр шоу хөтлөхдөө өмссөн хувцаслалт. Дунд ангийн сурагчийнх шиг дэрвэгэр хормойтой богинохон даашинз, хар сандаал дээр нэмэх нь шилэн трико.
Хэт цайвар шилэн оймсных нь өнгө хэлээгүй байсан ч нөгөө алдарт “нохойтой” эсвэл “алимтай” хоёр загварын триконы аль нэг болохыг илтгэнэ.
Гол нь сандаал дээр шилэн трико өмсөх нь тэр бүр мэдрэмжтэй эмэгтэйчүүд сонгох сонголт биш. Тэр тусмаа ёслолын тайзан дээр.
Мэдээж дөнгөж төрсөн ээж завгүй болоод хувцас сонголтондоо анхаарч төвдөөгүй байж болно. Бусдаар бол Т.Өөдөө энэ тал дээр чамгүй мэдрэмжтэй бүсгүй шүү дээ.
Поп дива Ж.Алтанцэцэг хэзээний эрч хүчтэй, дэгжин шаавай бүсгүй. Харин энэ удаад зохицол муутайхан сонголт хийсэн бололтой.
Товчхондоо түүнийг жинхэнэ “унтрааж” байна даа. Бид яагаад ч юм Алтааг иймэрхүү хааш яаш байдалтай харж нэг л түвдэхгүй нь. “Нэг л хүн дутуу” гэдэг дуу байдаг даа. Тэрэн шиг нэг л юм дутуу ...
У.Цахирмаа
Сэтгэгдэл (25)