Шинэ цагийн жентельмэнүүд үзэсгэлэнт гэргий, найз бүсгүйнхээ хамтаар томоохон хүлээн авалтыг чимэх болсоор удсан. Эгээ л үе тэнгийн мэт харагдах эдгээр залуус ах дүүс гэнэ шүү. СХД-ийн Тамгын газрын дарга С.Мөнхчулуун хэмээх энэ залуу улс төрийн хүрээнд шинэхэн тоглогч. ХБНГУ-д төрийн захиргааны чиглэлээр номын дуу сонсоод ирсэн. Түүний гэргий Т.Ариунбилэгийг “Янаг дурлалын дууль” кинонд тоглосноор нь хүмүүс эчнээ мэднэ. Хоёр хүүхдийн ээж, аав болоод буй залуу хос хамтдаа Германд суралцаж байжээ.
С.Мөнхчулууны төрсөн дүү С.Бямбацогт Vip security хамгаалалтын албаны Ерөнхий захирал. Томоохон шоу тоглолт, өндөр зэрэглэлийн клубуудын харуул, хамгаалалтыг хариуцахаас гадна нөлөө бүхий эрхмүүд эднийхээс vip хамгаалалт авах нь бий. УИХ-ын гишүүд өөрсдийн болон гэр бүлийнхээ аюулгүй байдлыг даатгахаас гадна олны хөлөөс зайдуу хийх тансаг зэрэглэлийн хурим, найраа мөн Vip security-гийн нягт, нямбай хамгаалалтанд хийдэг болсон аж.
Төдийлөн олны нүдэнд өртөөд байдаггүй, нууцлаг С.Бямбацогтын хувьд одоогоос таван жилийн өмнө тус хамгаалалтын албаа үүсгэн байгуулж, 150 гаруй шижигнэсэн залуус бүхий нүсэр апаратыг удирдаж яваа юм. Насандаа баймгүй чамбай, хөдөлмөрч энэ залуу дөнгөж 30 дөхөж яваа юм билээ.
Ид амжилт ололт өөд тэмүүлж яваа залууд харц шидлэх бүсгүйчүүд олон байдаг. “Алтан сарнай” наадам дээр ах, бэр эгчийнхээ хамт Э.Долгормаа хэмээх балетчин бүсгүйтэй хөтлөлцөн ирснийг бид амжиж дурандсан. ОХУ-д балетын чиглэлээр суралцдаг бүсгүй түүний ирээдүйн эхнэр болох эсэхийг цаг хугацаа харуулах биз ээ.
Д.Сэргэлэн
Сэтгэгдэл (19)