Соёл, спорт аялал жуулчлалын сайд Ц.Оюунгэрэл гавьяат тамирчин, олимын мөнгөн медальт, буудлагын спортын мастер О.Гүндэгмаа тэргүүтэй тамирчдыг өчигдөр хүлээн авч уулзлаа. Уулзалтын үеэр О.Гүндэгмаагийн амжилтанд нь баяр хүргэхийн зэрэгцээ буудлагын спортыг хөгжүүлэхэд тулгамдаж буй асуудлын талаар ярилцлаа.
Гавьяат тамирчин О.Гүндэгмаа энэ оны зургадугаар сард Германд болсон Дэлхийн цомын аваргын алтан медалиар энгэрээ мялаасан бөгөөд энэ оны наймдугаар сарын 1-ний байдлаар амжилтанд дэлхийд чансаагаараа нэгдүгээрт бичигджээ. Соёл, спорт аялал жуулчлалын сайд Ц.Оюунгэрэлтэй уулзахдаа Монголын буудлагын спортыг цаашид хөгжүүлэхэд тоног төхөөрөмж, бэлтгэл хийх газар муу, техник спортын төвд бэлтгэл хийхэд хүндрэлтэй байгааг дурдлаа. Уг асуудлыг Ц.Оюунгэрэл сайд хүлээн авч тодорхой арга хэмжээ авахаа амласан юм.
Сэтгэгдэл (2)