Жүжигчин Н.Мөнхсоёл, жүжигчин Б.Тамир хоёрын романс нэгэнт төгсгөл болоод буй. Б.Тамир жүжигчний хувьд хэдийнэ танигдсан бол Соёлоо “Оюутны нууц амраг”, “Улаан дөрвөлжин”, “Хөлтрөг”, “Фэйсбүүк од” “Зүүдэнд ч оромгүй явдал”, “Хүүгүй ламбард”, “Мөрдөгч”, “Цахлай нисэх гэж төрдөг” зэрэг кинонд тоглосноор үзэгчдэд мөн л танигдаад буй. Тэднийг урлагийн сайхан хосууд гэж фэнүүд нь ихэд дэмжиж байсан ч хэн хэнийх нь хариуцлагатайгаар эхлүүлсэн хоёр дахь амьдрал ийн бүтэлгүйтэв. Соёлоо өнгөрсөн хугацаанд харилцааныхаа талаар хэвлэлд ам нээж байгаагүй. Экс найз залуу Б.Тамир нь салснаа ил шулуухан хэлж байгаа энэ үед тэрээр дэлгэрэнгүй ярилцлага өгчээ.
“Үндэсний шуудан” сонинд өгсөн түүний ярилцлаганаас хэсэгчлэн хүргэж байна.
-Танай гэр бүлийн хүний хувьд кинонд тоглож байсан, мөн найруулж байсан туршлагатай. Гэр бүлээрээ хамтарч уран бүтээл хийх бодол байдаг уу?
-Тийм бодол одоохондоо алга. Тус тусдаа л ажлаа хийж байна.
-Хүүхдийн төлөвлөгөө байгаа юу?
-Миний хувьд одоо гурван настай жаахан хүүтэй. Одоохондоо хүүхэдтэй болох төлөвлөгөө байхгүй. Оюутан байхдаа гуравдугаар курстээ хүүгээ төрүүлж байсан. Жирэмсэн байхдаа чөлөө авалгүй төрчихөөд сарын дараа шууд хичээлдээ явж байлаа. Одоо ид хийж бүтээж байгаа насандаа хүүхэдтэй болохоор хоёр жилийн хугацаа алдана шүү дээ.
-Хэдий чамайг тойрсон элдэв хувийн асуудлуудын талаар ярилцахгүй гэсэн өөртэй чинь холбоотой мэдээллүүдийн талаар ямар бодолтой байдаг вэ?
Б.Тамир бид хоёр холбоотой боллоо гээд мэдээлэл гарч байхад миний өмнөөс зөндөө зүйлийг ярьдаг байсан “Н.Мөнхсоёл Б.Тамирын охиныг өөрийн охин шигээ хайрлана”, “Учрах ёстой учирч, уулзах ёстой хүмүүс уулздаг”, “Аль хэдийн би хадмуудтайгаа танилцсан” гэсэн мэдээллүүд гарсан. Хамгийн анх удаа би энэ ярилцлагыг өгч байна. Түүнээс өмнө би ямар ч сонин сайтад ярилцлага өгч байгаагүй. Яагаад хүний өмнөөс тэгж бичээд байдгийг гайхсан. Нэг хэсэг тийм мэдээлэл гараад үүнийг няцаах гэж фэйсбүүктээ л бичиж байсан. Дахин хэлэхэд Г.Золзаяа, Б.Тамир тэр хоёрыг хамт аз жаргалтай амьдрач байхад нь би огтоосоо салгаагүй гэжээ.
Сэтгэгдэл (4)