Мисс Б.Гантогоо Монголын нэрийг дэлхийн миссийн тэмцээний тайзнаа нэгэн цагт гаргаж явсан. Түүнчлэн Монголын сайхан бүсгүйчүүдийн тоонд зүй ёсоор тооцогддог тэрбээр хувийн амьдралаа ихэд нууцалдаг байв. Харин нэг л нартай өдөр өөрийн фэйсбүүк хуудсандаа гэр бүлийнхээ зургийг тавьсан билээ. Тэрбээр энэ жилийн баяр наадмаар Алтангадас одонгоор энгэрээ цоолуулсан биш нэлээд хэл аманд ороод авсан. Гэсэн ч тэр гандан буурахгүй шинжтэй байна билээ. Ер нь бол угийн махлаг талдаа мисс бүсгүй ээж болоод багагүй жин нэмсэн ч, тарга нь зохисон харагдана лээ.
Тэгвэл мисс Б.Гантогоотой эндүүрмээр адилхан нэгэн бүсгүй загварын ертөнцөд орж ирсэн нь манай дуранд өртжээ. Мисс Б.Гантогоогийн залуу насыг санагдуулам энэ бүсгүй “Miss Mongolia” наадамд оролцож шилдгүүдэд багтсан нэгэн. Бие хаа, царай зүс нь өвчсөн юм шиг адилхан хүмүүсийн алийг тэр гэхэв. Гэхдээ энэ хоёр үнэхээр адилхан юм гээч. Мисс бүсгүйн нөгөө хувилбар хэзээ нэгэн цагт цахиур хагалж мэдэх юм.
Н.ДАРИЙ
Сэтгэгдэл (3)