“Шилдэг өнгө” продакшны жүжигчин, загвар өмсөгч, хөтлөгч Х.Баярмааг бид найруулагч Ц.Хүсэлбаатаар, жүжигчин С.Өлзийхүү нарын охин гэдгээр нь андахгүй. Тэгвэл Дэлхийн мисс шалгаруулах 62 дахь удаагийн тэмцээнд монгол орноо төлөөлж амжилттай яваад ирсэн хүн загварын мэдрэмжээрээ улаан хөлтнийг урдаа гишгүүлэхгүй биз. Тиймдээ ч дөрөвдүгээр сарын 1-нд болсон “Улаан хивс”-ний ёслолд оролцохдоо алхаж гишгэх гэдгийг утгаар нь харуулж, бие хаагаа ч гайхуулаад авсан. Гэхдээ түүний өмссөн даашинз зохисон ч багагүй жин нэмсэн нь харвингаас нь илт харагдаж байна.
Ингэхэд “Улаан хивс”-ний ёслолд хэзээ байтлаа хар шилэн трико өмсдөг байлаа, Баярмаа? Энэ бүгдээс содноос содон нь цээжин дээрх тэр тэмдэг нь юу юм бол? Яр, шарх гараа юу, эсвэл хоёрдугаар сувгаар ойлговол хэн нэгэн нь түүнийг “тамгалав” уу, бүү мэд.
За тэгээд энэ мэт анхаарал татсан зүйлээс гадна тус арга хэмжээн дээр хошин шогийн тэмээ, ямаа гэмээр хамгийн өндөр, хамгийн намхан хоёр маань хөтлөлцөн ирж хурсан олны нүдийг хужирлаад авсан. Тэмээ нь мөнөөх л жүжигчин Х.Баярмаа, ямаа нь “Маск” продакшны жүжигчин Дээгий юм. Тэд ийнхүү хамтдаа хөтлөлцөн ирснээс хойш тэмээ, ямаа хочтой болсон билээ. Яг л ээждээ хөтлүүлсэн хүүхэд аятай Дээгий улаан хивснээ бяцхан жүжиг тавьж цугласан үзэгчдийг тэрүүхэндээ хөгжөөгөөд амжсан. Аргагүй л ахмад жүжигчин гэсэндээ Дээгий нь Х.Баярмаагаа үнэгүй рекламдаад өгчихсөн гэхэд болно доо.
М.Сонор
Сэтгэгдэл (12)