Урлагийн сайхан бүсгүйчүүдийн нэг жүжигчин О.Энхтуулыг Клаус хэмээх Герман эртэй суухад тааламжгүй хүлээж авч байсан хүмүүс олон. Тэр цаг саяхан мэт санагдавч олон жил өнгөрчээ. Хосууд үр хүүхэдтэй ч болж сайн сайхан амьдарч байгаа тухай мэдээлэл өнгөрсөн жилүүдэд дуулдаж ирсэн. Тэгвэл О.Энхтуул охиныхоо хамт Монголдоо ирж хэсэг байж байгаад явжээ. Аав нь бурхны оронд одсон учир тэрбээр нутагтаа ирэн бараг нэг сар болсон юм байна.
Харь эртэй амьдрал холбосон тэрбээр эх орон, элгэн саднаасаа хол олон жилийг хүний нутагт өнгөрүүлэхдээ нутгаа ихэд санагалзаж байснаа ч сая ирэхдээ ойр тойрныхондоо уудлан ярьсан гэнэ. Азжаргалтай сайн сайхан амьдарч байгаа ч хүний нутаг л бол хүнийх, өөрийн төрөлх нутаг, элгэн саданг гүйцэхгүй гэдгийг тэрбээр сайн ойлгосон янзтай.
Мэдээж түүнийг нутагтаа эргэж ирээд мэргэжлээрээ ажиллана гэвэл халуун дулаанаар угтах газрууд бий. Өнөө цагт жүжигчин гэх нэрийн дор годгоносон охидууд олон болж, тайз дэлгэцийн урлагт даац дутагдаж буй энэ үед О.Энхтуул шиг өгөгдөл дүүрэн жүжигчний орон зай хоосон хэвээрээ л байгаа. Зүс царай, нуруу туруу, ур чадвараараа жин дарах түүн шиг жүжигчин үнэндээ нүдний гэм болж.
М.Сонор
Сэтгэгдэл (9)