Үндэсний их баяр наадмын бөхийн барилдааны түрүүг Увсынхнаас өөр нутгийн бөх авдаггүй боллоо. 2010 оноос хойш улсын наадмыг тасралтгүй гурван жил манлайлсан. 2010 онд улсын заан Б.Ганбат, 2011 онд улсын харцага С.Мөнхбат, 2012 онд аймгийн арслан П.Бүрэнтөгс нар тус тус түрүү бөхөөр тодорсны араас өнгөрсөн жил нэг удаа завсарласан. Тэгсэн ч энэ жил дахин түрүүгээ авлаа. Ямартаа ч наадам дөхөхөөр Увс аймаг руугаа явж багаараа бэлтгэл хийдэг тус аймгийн бөхчүүд хэдэн жил дараалан түрүүг авч байгааг бөх сонирхогч түмэн “Увсын тактик амжилттай үргэлжилж байна” хэмээн ярих ч болж. Ер нь түрүү бөхийн тоогоор манлайлах болсноос гадна улсын цолтой бөхчүүдийн тоогоор ч Увс аймаг нэгдүгээрт бичигддэг гэнэ шүү.
М.Сонор
Сэтгэгдэл (16)