Нар саранд сөгдөж гуйсан юмаа
Нандин учрал байлгүй дээ
Арга ч үгүй дээ, арга ч үгүй
Тэнгэрийн бүсгүй чи минь, чи минь дээ…..
хэмээн бүсгүйчүүдийг уяраасан дуучин Т.Дэлгэрмөрөн энэхүү дуугаа эхнэртээ зориулсан гэдэг. Хамгийн тачаангуй, секси бүсгүй гэвэл би гэргийгээ гэж хэлнэ хэмээсэн дуучин Дээгий “Тэнгэрийн бүсгүй”-тэйгээ наадамлаж яваад манай дуранд өртсөн байна.
Жил жилийн наадмаар үндэснийхээ дээл хувцасаар гангарч гэр бүлээрээ наадамладаг дуучин Т.Дэлгэрмөрөн өнгөрсөн жилийнхээ хантааз, гутлаар дахин гоёсон харагдана. Харин гэргий Д.Энхбадам буюу Жулиана нь Д.Зөөлөнсий охинтойгоо тун донжтой хувцаслаж ирсэн байна шүү.
Жулиана хэзээд этгээд сонин хувцаслалтаараа нөхрийнхөө “чимэг” болсоор ирсэн нэгэн. Бараг дуучин нөхрөөсөө ч илүү олны танил гэж болохоор. Сонирхолтой нь Жулиана үндэсний үйлдвэрлэлээ дэмжиж гар урлалаар оёсон хантааз, даашинз өмсдөг нэгэн.
Нийтийн дуучид дотроо МУГЖ С.Жавхлан гэр бүлээрээ үндэсний дээл хувцас өмсдөг бол рок попынхон дотроо дуучин Т.Дэлгэрмөрөнгийн гэр бүл үндэсний хувцасаар гангардаг гэвэл дэгсдүүлсэн болохгүй. Ямартаа л тэдний ийн хувцаслахыг харсан зарим хүмүүс Дээгийг “Жавхландлаа” хэмээн хэлдэг ч, Дээгий хэзээд үндэсний үнэр шингэсэн уран бүтээлч гэж болох биз ээ. Толгой дээрээ сүлд шивүүлснийхээ улмаас үсээ ургуулах эрхгүй болсон тэрбээр өөртөө тохируулан хувцаслахаас гадна үндэсний дээл хувцасаа орчин үеийн хэв маягт оруулан хамгийн гоёоор өмсдөг нэгэн юм.
М.Сонор
Сэтгэгдэл (17)