“Хувьсал” продакшны жүжигчин А.Ганчимэг охинтой болоод хоёр сар ч болоогүй байгаа билээ. Охиныхоо ааваас өмнө Л.Балхжавын хүүг хойноосоо хэсэг гүйлгэснээс бусдаар эрчүүдтэй нэр холбогдож ч үзээгүй хөөрхөн А.Ганчимэг энэ тал дээрээ ёстой л онгон Мария байлаа. Харин нэг л өдөр “Зэрлэг цэцэгсийн хүлэмж” кинонд хамтран тоглосон жүжигчин залуутай романс хэлхэж, удаа ч үгүй хөл хүнд болсон. Киноныхоо нээлтэнд залуу хосууд хөтлөлцөн ирж, хайр сэтгэлээ бататгаж, тунхаглаж байсан цаг саяхан.
Бие давхар болсноосоо хойш олны нүднээс далд, усанд хаясан чулуу аятай амьдрах болсон жүжигчин бүсгүй төрснийхөө дараа гэнэт л олны өмнө гарч ирсэн нь саяхны “Академи Авардс”-ын ёслолын ажиллагааны үеэр. Төрсөн гэхийн аргагүй жимбэгэр, цэмцгэр А.Ганчимэг ийн жирэмсэн төрхөө ч олон нийтэд харуулалгүй анхны охиноо тэвэрлээ.
Охиноо тээж байх хугацаанд хэсэг хугацаанд бие болоод сэтгэлийн хувьд холдож салсан байсан хосууд эргэж нийлсэн сайхан мэдээг энэ дашрамд дуулгая. Солонгост сурдаг найз залуу нь хэсэгтээ сураг чимээ алдарч, жүжигчин бүсгүйг орхисон ч охинтой болсон гэдгээ дуулж эргэж ирсэн бололтой. Хөөрхөн хосуудад урт удаан, аз жаргалтай амьдрал хүсэн ерөөе.
М.Сонор
Сэтгэгдэл (17)