Хаа холын Америкаас зун болгон ирж морь уян, хийморь юугаа сэргээдэг энэ эрхмийг А.Ариунсайхан гэдэг. Удам судраараа гавьяа шагнал авч, төрд данстай, түмэнд нэртэй явсан Ананд хэмээх газар хөдлөлтийн чиглэлээр мэргэжил эзэмшсэн Монголын анхны эрдэмтний хүү. Аавынхаа мэргэжил болоод бүтээж босгосон бүхнийг өвлөж авсан ноён А.Амарсайхан хөрсний шинжилгээ, хайгуулын өрөмдлөгийг чиглэлээр үйл ажиллагаа явуулдаг “Soil trade” компанийн захирлын албыг хашдаг билээ.
Америкт амьдрах болсоор арваад жил болж буй түүний гэргий П.Мягмарцогт хэмээх үзэсгэлэнтэй бүсгүй байдаг. Монголын анхны Шадар сайд, манай нэртэй улс төрчдийн нэг Пүрэвдорж гуайн охин. Америкт 20 гаруй жил амьдарч буй хатагтай П.Мягмарцогт нөхрийнхөө бизнесийн хамгийн сайн хамтрагч, туслагч нь гэдэг. Хэн хэн нь удам судар, мэдлэг боловсрол өндөртэй хосууд хоёр хүүхэдтэй. Манайд угсаа гарал сайтай, баян чинээлэг хэрнээ чимээгүй, эгэл даруухан амьдардаг олон эрхмүүд байдгийн нэг жишээ энэ хосууд юм. Жилийн жилд алс холын Америкаас эх нутагтаа ирж наадамладаг ноён А.Ариунсайханы эрлийз морь энэ жил тод манлай, торгон жолоо өргүүлж эзнийхээ хийморь лундааг тодорхойлсон юм.
Сэтгэгдэл (7)