Р.Амаржаргалын гэргийн таавчигтай наадам

Манай толгой эдийн засагчдын тоонд зүй ёсоор багтдаг Р.Амаржаргал залуу халуун насандаа “Камертон”-ын Л.Ган-Эрдэнийн экс гэргий жижиг М.Халиуны ээж, яруу найрагч Р.Гэрэлтэй дурлалын романс үүсгэж, амьдарч суух дээрээ тулж байсан намтар түүхтэй. Гэвч салаа замын эрхээс салсан бөгөөд хожмоо яруу найрагч бүсгүй “Р.Амаржаргал бид хоёр суух байсан ч салаа замын эрхээр салсан. Хойно оюутан болчихоод эргээд ирэхэд Амараа хүнтэй суучихсан байсан. Эхнэр нь байртай учраас л суусан гэж хэлсэн” хэмээн дурсаж байсан удаатай. Байртай учраас суусан Р.Амаржаргал гишүүний гэргийг Болормаа гэдэг бөгөөд мөн л хойно өндөр боловсрол эзэмшсэн эдийн засагч мэргэжилтэй бүсгүй. Цагаан хоолонд ороод чамгүй удаж буй энэ бүсгүй энэ жилийн наадмаар ээ дээ гэмээр сонин хувцаслаж ирсэн нь олны нүдийг хужирлаад авна лээ. Эгэл даруу гэхэд дэндүү гэмээр Болормаа бүсгүй нүүрэндээ будаггүй, энгийн өмд пиджак хоёрыг тэрүүхэндээ өнгө хослуулж, мөн ижил өнгийн гэрийн таавчиг шиг эд хөлдөө угласан нь амралтанд явж байна уу даа гэхээр. Эмэгтэй хүн хогоо асгахдаа ч сайхан харагдах боломжийг алдаж болохгүй хэмээх домогт Лиз Тейлорын дүрмийг дагахгүй юм гэхэд ядахдаа Төрийн их баяр наадмаа хүндэтгэж эвтэйхэн хувцаслах нь төрийн түшээгийн гэргий хүний мэдэх ёстой л хэрэг баймаар. Ийнхүү Р.Амаржаргалын гэргий 2012 оны Үндэсний их баяр наадмаар таавчигтай наадаж олны нүдийг орой дээр нь гаргасан наадам болж өнгөрсөн билээ.