Нийслэлийн иргэдэд Баянзүрх, Хан-Уул, Сонгинохайрхан, Сүхбаатар, Налайх, Багануур, Багахангай дүүргийн 52 байршилд 15309 га газрыг гэр бүлийн зориулалтаар өмчлөх тогтоолыг Нийслэлийн иргэдийн төлөөлөгчдийн хурлаар баталсан. Улмаар ирэх наймдугаар сараас эхлэн газрын байршлаа сонгож, өргөдөл хүлээн авахаар болсон. Ингэхдээ өргөдөл бичих, бүртгүүлэх, хариуг олгох ажлыг бүгдийг нь цахим хаягаар, автоматаар явуулах юм. Газар өмчлөх цахим бүртгэл ойртож буйтай холбогдуулан иргэдийн ажлыг хөнгөвчлөх үүднээс “Ай Жи Эйч Жи” компани “Боломжоо ашигла” төслийг хэрэгжүүлж эхэлжээ. Энэхүү төслөөр багатай, цахим сүлжээний талаар ойлголтгүй иргэдийн ажлыг хөнгөвчилж, тэдний өмнөөс газар өмчлөлийн цахим сайт руу нэвтэрч бүртгүүлж өгөх юм байна. Бүртгэлийг хийхэд нэг хүний 10 мянган төгрөгийн хураамж авах аж. Төсөл долдугаар сарын 1-ээс есдүгээр сарын 1-н хүртэл үргэлжлэх гэнэ.
Сэтгэгдэл (1)