Их Британид нэгэн золгүй явдал тохиолджээ. Том Мэйн хэмээх залуу сүүлийн үед интернетээр хүмүүсийн анхаарлыг татах болсон Punch4punch тоглоомыг найзынхаа хамт тоглож байгаад харамсалтайгаар амиа алдсан байна. Энэхүү тоглоом нь хоёр оролцогч нэг нэгнээ ээлжилж цохих бөгөөд түрүүлж бууж өгсөн нь ялагддаг байна. Мөн уг тоглоомын ялагдагч ямар нэг шийтгэл хүлээдэг бөгөөд энэ бүх үйл явцыг дүрс бичлэг хийж интернетэд байрлуулдаг ажээ. Том нь дөрвөн настай охинтой байсан бөгөөд punch4punch тоглоомыг тоглож байхдаа цээжиндээ цохиулсны улмаас ухаан алдаж улмаар зүрхний шигдээсээр нас барсан байна.
Түүнтэй хамт тоглож байсан түүний найз болох 20 настай залууг баривчилсан боловч батлан даалтаар суллаад байгаа аж.
Томын ах Роё энэхүү хэрэг явдлыг утсаараа бичиж байсан хүмүүсийг буруутгаж байгаа бөгөөд уг хэргийг зогсоох ямар нэг арга хэмжээ аваагүйд нь гомдолтой байгаа юм. Тэрээр өөрийн фэйсбүүк хуудаснаа: “Томми дүү минь ах нь чамдаа хайртай шүү. Би дүүдээ сүүлийн удаа баяртай гэж хэлэх хэрэгтэй боллоо” хэмээн нийтлэсэн байна.
Сэтгэгдэл (2)