Өөрийнхөө стилийг бөөрөнхий хар шил, урт буржгар үсээрээ тодорхойлдог Харангын “Хар азарга” сүргээсээ хэсэг тасарч бие даасан тоглолтоо хэд хэдэн удаа хийсэн. Амараа, Дээгий хоёртой хуурай ах дүүсийн хувиар олон жил нөхөрлөж, хамтдаа уран бүтээл хийхдээ ч хийж ирсэн тэрбээр жилийн жилд баяр наадмаар бие даасан тоглолтоо хийж, Төв цэнгэлдэхэд ая дуугаа өргөдөг уламжлалтай. Өнгөрсөн жилийн баяр наадмаар цэнгэлдэхэд ааг омог нь багтаж ядсан азарга унаж “Толин хул” дуугаа дуулсаар орж ирсэн юм. Харин тэгэхдээ хаана ч явсан зүүчихсэн л байдаг бөөрөнхий хар шил, алт, мөнгөн ээмэг, зүүлтнүүдээ бүгдийг нь зүүсэн чигээрээ давхиж явсан. Аргагүй л Харангын “хар азарга” нэрэндээ тохирсон харагдаж байсан юм.
Морин дэл дээр хийсч явахдаа ч хайртай зүүлт сэлтээсээ сална гэж гонж гэсэн шиг хөлс нь урсаж хэцүүхэн байсан ч шилээ авахгүй, алт мөнгөн гинжнүүд нь хавиралдсаар наадмын асраас гарч яваа харагдсан даа.
М.СОНОР
Сэтгэгдэл (7)