Элтон Жон болон Дэвид Фюрниш нар
Нэрт дуучин Элтон Жон Дэвидтэй учрахын өмнө өөрийн нарийн бичиг дурлалт бүсгүй Линда Вүүдровтой сүй тавьж байжээ. Гэсэн ч тэд гэрлээгүй ээ. 1984 онд Жон Ренать Блауэлтэй гэрлэсэн юм. Тэрбээр үүнийгээ өөрийн бэлгийн чиг хандлагыг нуух зорилготой хийсэн хэмээн тайлбарладаг. Харин өөрийгөө хоёр хүйстэн сонирхдог хэмээн зарлаж байсан Блауэлээс 1988 онд салсныхаа дараа түүнд гомо байх нь илүү таалагдах болсон хэмээн ярьсан удаатай. Тэгээд 1993 оноос Дэвид Фюрништэй үерхэж эхэлсэн бөгөөд удалгүй хуримаа хийжээ. Тэд тээгч эхээр төрүүлсэн хоёр хүүхэдтэй юм.
Куин Латифа болон Жинет Жэннингс нар
Жүжигчин Күин Латифа өөрийн хувийн дасгалжуулагч Жинеттэй найман жилийн турш үерхсэн ч Жинетт Куиныг хаяснаар тэдний харилцаа эцэс болжээ. Жинеттээс салаад төд удалгүй Куин бүжиг дэглээч Эбони Никольстой нэр холбогдож эхэлсэн ч Жинеттийн сайн найз дуучин Пинк нь Куин тэр хоёрын харилцааг эргэн сэргээхээр Жинеттийг ятгаж байсан байна.
Линдсэй Лохан болон DJ Саманта Ронсон нар
Жүжигчин Линдсэй Лохан Самантатай хайр сэтгэлийн холбоотой гэдгээ маш удаан нууж байжээ. Гэсэн ч 2008 оны 12 сард Линдсэй энэ тухай ам нээж DJ бүсгүйтэй хайр сэтгэлийн холбоотой болохоо илчилсэн байна. Хэдийгээр тэр сонин сэтгүүлд ярилцлага өгөхдөө хоёр хүйстнээ сонирхдог гэдгээ байнга үгүйсгэдэг байсан ч, эцэст нь DJ Саманта Ронсонтой үерхдэг, түүнд хайртай болохоо дэлгэсэн юм. Одоо тэрбээр хөлбөмбөгийн тамирчин асан Матт Нордгентой үерхэж байгаа билээ.
Поршиа дэ Росси болон Эллэн Деженерес нар
Австрали Америк гаралтай жүжигчин Поршиа дэ Росси хамгийн алдартай ток шоуны хөтлөгчдийн нэг Эллэн Деженерестэй учрахын өмнө нилээд хэдэн удаа хайрын романс үүсгэж байжээ. Мөн Мел Меткалфэтэй гэрлэж байсан бөгөөд Поршиа мэргэжлийн шалтгаанаар ижил хүйстэн гэдгээ зарлахаас эмээдэг байсан ч хожим үнэнээ дэлгэсэн юм. 2008 оноос өдийг хүртэл хамт амьдарч байгаа хосууд анх нэгэн шагнал гардуулах ёслолын ажиллагааны үеэр тайзны ард учирч байжээ. Поршиа бүр нэрээ Поршиа Ли Жэймс Деженерес хэмээн өөрчилсөн байна. Харин алдарт хөтлөгч Эллэний хувьд 1997 онд лесби гэдгээ зарлаж байсан байна. Поршиатай танилцахаас өмнө Аннэ Хэйш, Александра Хэдисон нартай романс үүсгэж байсан аж. Эллэн Поршиа нар 2008 оны наймдугаар сард хуримаа хийж байжээ.
Дэвид Буртка болон Нил Патрик Харрис нар
Алдарт How I Met Your Mother буюу “Би ээжтэй чинь хэрхэн танилцсан бэ” телевизийн цуврал шоунд долоо хоногийн долоон өдөрт долоон өөр бүсгүйтэй шөнийг өнгөрүүлж чаддаг хүүхэмсэг залуу Барни Стинсоны дүрийг бүтээсэн Нил Патрик Харрис бодит амьдрал дээр ижил хүйстнээ сонирхогч билээ. Тэрбээр 2006 онд гомо гэдгээ зарласан бөгөөд 2007 оны есдүгээр сард болсон Эмми Авардсын үеэр сүйт залуу Дэвид Бурткагийн хамт оролцож өөрсдийн харилцааны тухай олонд ил болгожээ. Хосууд 2004 оноос үерхэж эхлээд 2010 онд тээгч эхээр төрүүлсэн Гидеон Скотт болон Харпер Грэйс нэртэй ихрүүдээ төрүүлсэн байна. Тэд сүй тавьсан бөгөөд ижил хүйстнүүдийн гэрлэлтийг зөвшөөрсөн хууль гарахыг хүлээж байгаа гэнэ.
Жим Парсонс болон Тодд Спиевак нар
Big Bang Theory шоуны од Жим Парсонс найз залуу найруулагч Тодд Спиевактай арван жилийн турш үерхэж байгаа ажээ. Тэд анх 2013 онд Бэвэрли Хилсд болсон хүндэтгэлийн арга хэмжээний үеэр хамтдаа гарч ирж байсан юм.
Синтиа Никсон болон Кристин Маринони нар
Их хотын секс киноны од Синтиа Никсон зурагчин Дэнни Мозестой 15 жилийн турш гэр бүлийн амьдралаар амьдарсны эцэст хоёр тийшээ болжээ. Тэд хоёр хүүхэдтэй байсан юм. 2004 онд Никсон боловсролын идэвхитэн Кристин Маринонитой үерхэж эхэлсэн бөгөөд 2009 онд сүй тавьж 2012 онд хуримаа хийсэн байна. Тэрбээр The Daily Telegraph –д өгсөн ярилцлагадаа “Би бол зүгээр л өөр эмэгтэйд дурласан эмэгтэй хүн” хэмээн ярьж байжээ.
Матт Бомер болон Саймон Холлс нар
“Цагаан захтнууд” цуврал киноны од Матт Бомер ижил хүйстэн гэдгээ зарласан нь олон бүсгүйчүүдийн сэтгэлийг шархлуулсан. Түүнийг Холливудын болон телевизийн шоуны дур булаам залуучуудын нэг хэмээн нэрлэдэг. Матт нийгмийн ажилтан Саймон Холлстой үерхдэг бөгөөд тэд гурван хүүхэдтэй. Хоёр нь ихэр юм байна.
Рики Мартин болон Карлос Гонзалез Абелла нар
Алдарт дуучин Рики Мартин 14 жилийн турш Мексикийн телевизийн хөтлөгч Ребека дэ Албатай дотно харьцаатай байсан бөгөөд гэрлэх талаар хүртэл ярьж байсан гэнэ. Тэрбээр 2008 онд хоёр ихрийн эцэг болсон бөгөөд хүүхдүүдээ тээгч эхээр төрүүлжээ. 2010 оны гуравдугаар сард тэрбээр өөрийгөө ижил хүйстэн болохоо олон нийтэд зарлаж тэр жилдээ эдийн засагч Карлос Гонзалез Абеллатай үерхэж эхэлсэн байна. Хосууд дөрвөн жилийн турш үерхсэн боловч 2014 оны нэгдүгээр сард хоёр тийш болж байгаагаа зарласан байна.
Сэтгэгдэл (6)