Эрлийз гэхээр нэг л сонин дуулдаж, хачин харагддаг байсан нь саяхан. Харин улам бүр даяаршиж буй одоо цагт энэ нь тийм ч сонин содон харагдаж, дуулдахаа больж, заримдаа бүр давуу талтай болоод ч байх шиг. Тэдэн дундаас олны танил эрлийз эрхмүүдийг танилцуулахаар бэлтгэлээ.
“Киви” Намууны габон аав
Гурван өөр зүс царайтай “Киви”-гийнхнийг анх гарч ирж байхад хаанахын эрлийзүүд хаанаас гэнэт гараад ирэв хэмээн гайхаж, сонирхож хүлээж авсан нь их. Эдэн дундаас ганц эрлийз нь Намуун. СГЗ Д.Ухнаа гуайн амин хайртай ач охин тэрээр саяхан төрсөн эцэгтэйгээ уулзаж, танилцсанаа фэйсбүүк хуудсандаа танилцуулсан нь аргагүй нас биед хүрч, хувь хүний болсных нь илрэл гэлтэй. Түүний аав африк эрхэм Габон улсад амьдардаг бөгөөд мэдээж гэргий авч, хоёр хүүтэй болсныг фото зургаас бид харж байна.
Хар Сарнай
“Sweetуmotion” хамтлагийн дуучин А.Сарнай мөн эрлийз цустай сайхан бүсгүйчүүдийн нэг. Хамтлагийн продюссер Б.Чинбаттайгаа он удаан жил үерхсний эцэст хуримлаж, хөөрхөн охинтой болсон тэрээр яах аргагүй эрлийз цусны үр шим гэлтэй гандаж, гундашгүй гоо үзэсгэлэн, гоолиг чанга бие хаагаараа олны харааг булааж ирсэн. Түүнийг холын Германы мах цусны тасархай гэдэг юм билээ.
Боксчин У.Мөнх-Эрдэнэ
Дэлхийд эх орныхоо нэрийг дуурсгаж яваа боксчин У.Мөнх-Эрдэнэ сүүлд мэргэжлээ сольж сэтгүүлчийн дамжаанд суралцан хүсэл мөрөөдлөө биелүүлэхээр зорьж яваа. Африк цустай гэдэг ч чухам хаанахын эрлийз болох нь тодорхойгүй тэрээр Уганда, Монголын эрлийз юм байна. Анх олны дунд гарч ирэхдээ л эрлийз гэгддэг байсан У.Мөнх-Эрдэнэ гавьяат тамирчин цолыг энгэртээ гялалзуулсан гялалзсан эрлийз залуу билээ.
Якут хоолойн гайхамшиг
Поп хатагтай Б.Сарантуяагийн ээж цэвэр якут эмэгтэй байдгийг мэдэхгүй хүн үгүй биз ээ. Алмаз эрдэнэ, өндөрлөг уулс, түүнээ дагасан чадалтай хоолойн цараар гайхагддаг Якутын энэ онцлог поп хатагтайд буянаа хайрласных бид нэг гайхалтай дуучин стартай болсон билээ.
Харангын Лхагваагийн Маралаа
Ар Монголын алдарт дуучин, ах дүү гурван мангасын нэг Харанга Х.Лхагвасүрэнгийн экс гэргий “ногоон” Маралаа нэрээр дээдсийн хүрээнд алдаршсан энэ бүсгүй эрлийз цусны гайхамшиг гэмээр гоо үзэсгэлэн, өвөрмөц төрхөөр олны нүдийг булаадаг. Орос зүгийн эрлийз энэ бүсгүй Манай нэрт зураач Л.Намхайцэрэнгийн хүү зураач Санчирын том охин.
Эрлийз сайд
УИХ-д удаа дараа сонгогдож, ясны улс төрчийн зангараг заасаар яваа С.Оюун сайдын тухай олныг нуршаад ч яах билээ. Санжаасүрэн хэмээх эрхмийн охин түүний ээж залуу халуун насандаа орос эмчийн дүрээр кинонд дүрээ мөнхөлсөн халуун сэтгэлтэй орос бүсгүй байсныг бид мэднэ. Насаараа Монголд амьдарсан тэр орос эмэгтэйн уг гарал нарийн хөөвөл жүүд цус ч холилдсон хэмээн учир мэдэх улсууд ярих юм билээ. Магадгүй тиймдээ ч Санжаасүрэн агсаны хүүхдүүд ийм ухаантай, чадалтай байдаг биз ээ.
Топ Д.Болормаагийн экс
Нэгэн цагт Азийн топ модель Д.Болормаагийн нялх амрагаар цоллуулж явсан энэ эрийг Х.Баярсайхан гэдэг. Топ моделийг ид мандан бадарч явах үед загварын тайзнаа моод үзүүлж явсан нуруу өндөр, нүд хөмсөг болсон Х.Баярсайханыг үеийнхэн нь андахгүй. Чехийн эрлийз энэ эр “Говь”-ийн нүүр царай болдог байв. Азийн топтой анх мандан бадарч байх үед нь нэр холбогдож, бүр нэг гэрт орлоо хэмээх шуугиан тарьж байгаад төд удалгүй АНУ-ыг зорьсноор сураг тасраад буй.
“UP Music”-ын Халиун
“UP Music”-продакшны хөгжмийн найруулагч, зохиолч Н.Халиун гэх халзан толгойтыг урлагийнхан андахгүй. Урлагт насаараа зүтгэж яваа тэрбээр “Би урлаг, халзан толгой хоёроосоо хэзээ ч уйдахгүй” хэмээн хошигнодог. Түүнийг Буриадын гавьяат Наранбаатарын хүү гэдгийг тэр бүр хүмүүс мэддэггүй болов уу.
Загвар өмсөгч Г.Одончимэг
Монголын загварын тайзнаа нэгэн үе цахиур хагалж явсан Г.Одончимэг өдгөө Австралийн “Chadwick” агентлагт харьяалагдахын сацуу “Channel 7” телевизэд ажиллаж буй. Топ модель Т.Баярзул, Х.Ундраа нартай нэг үеийнх тэрбээр даатгалын эдийн засагч мэргэжилтэй ч хэвлэл мэдээллийн салбарт ийн хүчин зүтгэж яваа нь угийн адтай, авьяастайнх. Шинэ залуу загвар өмсөгчдийн дунд багш мэт хүндлэгддэг тэрээр олон жилийн өмнө австрали эртэй гэр бүл болж, гадагш гарч амьдрал хөөсөн бөгөөд нөхөр, охины хамтаар амьдарч буй. Гадаадын загварын ертөнцөд Odna Gerel нэрээр танигдсан тэрбээр загварын ертөнцийн эрлийз бүсгүйчүүдийн нэг.
Мисс Х.Бадамгэрэл
"Miss Mongolia" тэмцээний 2009 оны тэргүүн мисс Х.Бадамгэрэл мөн л загварын тайзны эрлийзүүдийн нэг. Саяхнаас дуучин Мөнхбаяр буюу Бэкитэй сүй тавьж, хамтын амьдрал зохиогоод багагүй хугацаа өнгөрч буй мисс бүсгүй орос, монголын эрлийз гэдгийг хүмүүс тэр бүр мэдэхгүй юм билээ.
М.Сонор
Сэтгэгдэл (16)