Рок попын тогоон дахь дуэт дуучид болох О.Анхаа, Б.Халиун хоёр хамтын амьдралаа цогцлоон зохиохын тулд чамгүй давааг давсан гэдэг. Хатуу чангаараа зартай продюсер Б.Ангирмаа хатагтайн хүнтэй сууж, хүүхэдтэй болж үл болно гэсэн хатуу зарлигийг зөрчин байж дуучин О.Анхаатай сууж, “Киви”-гээ орхиж байсан Б.Халиун дүр төрх, хоолой юугаараа өвөрмөц гишүүдийн нэг байлаа. Тиймдээ ч орон зайгаа алдалгүй нөхөртэйгөө хамтран уран бүтээлээ туурвисаар яваа. Анхны хүүхдээ төрүүлчихээд ажрах ч үгүй тайзан дээр гарахдаа өмнөх гоо сайхан бие галбираа хадгалсаар байсан түүнийг дайчин, айхтар бүсгүй хэмээн тодорхойлох хүмүүс цөөнгүй.
Хамтлагийнхаа карьерыг орхин байж өмнөх амьдралтай эрийг насныхаа ханиар сонгосонд гайхах нэгэн байхад хайр дурлалынхаа төлөө хамаг байдгаа зориулсан зоригтой бүсгүй хэмээн үнэлэх нэг нь ч байдаг. Юутай ч гэргийтэй нь харьцуулахад гологдохоор О.Анхаагийн хувьд өмнө нь эхнэр, хүүхэдтэй байсан бөгөөд анхны хүүгийнхээ ээжийг нялх биетэй байхад орхиж Б.Халиунтай суусан гэдэг. Хүмүүнлэгийн элч дуучин гэчихээд гэргий, хүүхдээ орхиж 2 дахь амьдрал зохиосон хүн муутай залуу хэмээн шүүмжлэх хүн харин хаа сайгүй тааралддаг нь аргагүй. Хайр сэтгэлийн төлөө юуг ч уучилж болдог хойно халуун хайраараа ханилсан хосууд том хүүхдээ өөрсдөө авчээ. Түүнчлэн саяхан Нийслэлийн Засаг даргын тамгын газраас зохион байгуулсан “Тэнгэрлэг гэр бүл” шалгаруулах үзүүлэлтэнд тэнцэж, шилдэг гэр бүлийн өргөмжлөлөө гардан авсан байна.
Сэтгэгдэл (4)