Жүжигчин Б.Амарсайхан хүмүүс тэрнийг “сөөнгө” Амараа гэдгээр нь илүү сайн мэднэ. Гэхдээ ёжлож буй хэрэг биш, түүнийг өвөрмөц хоолойтой жинхэнэ монгол төрхтэй хэмээн онцолж буй нь тэр юм. Тэрээр насаа хэлэх дургүй бөгөөд 1977 онд төрсөн жүжигчин Б.Эрдэнэбилэгтэй нэг анги гэдгээр нь хөөгөөд насыг нь олж болох юм.
СУИС-ийг жүжигчний мэргэжлээр төгсөн анх Б.Бадрууган агсны найруулсан “Уулын хөх сүүдэр” кинод тоглсон гэж ярьдаг. Гэхдээ үүнээс өмнө ангийн нөхөдтэйгээ нийлэн “Дурлалд тавтай морил” хэмээх инээдмийн кинонд тоглож байсан ч дэлгэцэнд гаргалгүй “хав дарсан” байна. Тэрбээр энэ тухайд ярихдаа “Өө, тэгж онигоо болоод яахав ээ. Битгий гаргаарай” гэж анхны киноноосоо ичсэн удаатай.
“Уулын хөх сүүдэр”-ээс гадна “Тавилан”, “Удирдагч”, “Бөртэ чоно”, “Боолын гэрээ”, “Цасан охин” “ Бодлын хулгайч”, “Аравт” болон хамгийн сүүлд “Үргээлэг” кинонд амжилттай дүр бүтээсэн. Б.Амарсайхан христийн шашин шүтдэг бөгөөд түүнийг Монголдоо томд тооцогддог “Амьд үг” цуглааны идэвхитэй гишүүн гэлцэх юм билээ.
Амараа сүүлд тоглосон “Үргээлэг” киноны зураг авалтыг дуусгамагцаа хилийн чанадыг зорьсон бөгөөд Малайзад очиж, Холливудын кинонд бүтээх анхны дүрээ авчээ.
Тодруулбал, тэрбээр дэлхийн 20 орны 600 гаруй уран бүтээлчид оролцон бүтээж буй нэрт аялагч Марко Пологийн тухай кинонд гол дүрүүдийн нэгийг бүтээхээр болсон байна.
Уг кинонд Амараа нэгэн баатар эрийн дүрд тоглох бөгөөд 100кг жинтэй болох хэрэгтэй байгаа юм. Амараагийн одоогийн жин нь 90кг.Тэрээр хилийн чанадыг зориод ирсэн биш өнгө зүс орсон гэж жигтэйхэн. Саяхан болсон Academy Awards шагнал гардуулах ёслол дээр шинэхэн авсан Ланд-200 хүлгээрээ гангарав. Хилийн чанадын агаар, уур амьсгал угаасаа бүсгүйчүүдийн харцыг булаадаг Амараад тун ч зохисон бололтой дог шүү. Түүний эрэлхэг баатарлаг маягийн дүр төрх олон хүний анхаарлыг татаж байв.
Б.ГАН-ЭРДЭНЭ
Сэтгэгдэл (8)