“Баяжих нь баараггүй бат” ХХК гэж Монголд байх. Эзэн нь МУГЖ дуучин Т.Баясгалан, Ерөнхий сайдын зөвлөх Д.Батбаяр. Хэн ч сонсоод инээд хүрмээр нэртэй тус компанийн эзэмшилд “Шуурхай суваг” телевиз харъяалагддаг. Монгол хүн ашдын билгээс амны билэг гэдэг. Тэд баяжихаа л билэгдэж компанидаа ийм нэр өгсөн биз.
Хүчтэй дөрөв дэх засаглалыг гартаа атгасан эрхмүүд компанидаа ийм нэр өгөхийг бодоход өрөвдмөөр ч юм шиг. Өнгө мөнгийг илтэд шүтдэгээ ил тод зарласан МУГЖ дуучин Т.Баясгалан, Ерөнхий сайдын зөвлөх Д.Батбаяр нарын хувийн компаний нэрийг харсан хүн бүр л “Чааваас, ерөнхий сайдын зөвлөх ийм ахархан бодолтой хүн байсан юм уу” гэж дуу алдаж байна.
Ерөнхий сайдад зөвлөдөггүй зүгээр л өрөвддөг гэж толгойныхоо тойргийг илтгэж байсан Д.Батбаяр ахиад бөх хүнийхээ бүдүүн ухаанаа харуулж тэнэгээ гайхуулав. Тэнэг хүнийг алийг нь хэлж барах вэ. Гэхдээ тэрийгээ нуудаг байвал зүгээрсэн. Толгойгоо тэнцвэрээ олохоос өөр зүйлд ашиглаасай билээ.
Дуучин Т.Баясгалан нэг хэсэг “Эх орон” телевизийн ТУЗ-д ажиллаж байхдаа оройн цаг агаарын мэдээнийхээ үеэр гэр бүлийнхээ төв талбай дээр салхилж явааг харуулдаг байсан гэх онигоо байдаг. Тэгвэл энэ удаад шинжлэх ухаан, танин мэдэхүйн хэмээх тодотголтой телевиз, мөн “Одон” гэх сувгуудыг ажиллуулж, хэвлэл мэдээллийн салбарт дахин хүч үзэж “Баяжих нь баараггүй бат” компаниа байгуулжээ.
Д.СЭРГЭЛЭН
Сэтгэгдэл (4)