Гитлер төрхтэй, толгойлдог банк нь хүртэл “Хас” нэртэй гэгдэн имижээ ядах юмгүй тодорхойлуулсан “Хас”-ын Ч.Ганхуяг нэрнийхээ өмнө Хутагт хэмээн онцолдог. Дипломат албанд ажиллаж байсан эцэг эхээ даган бага насаа Унгарт өнгөрүүлсэн Ч.Ганхуяг ноёнтон өөртэйгээ усны дусал мэт адилхан 2 дүүтэй. Хаанаас нь ч харсан нуруу туруу, нүүрний хэлбэр, дуу хоолойгоороо адилхан тэднийг энэ удаад тольдлоо.
Ч.Ганхуяг
“Хас” банкны захирлаас Сангийн дэд сайд болтлоо карьер өгссөн ноён Ч.Ганхуягийг танилцуулах нь илүүц биз ээ. Залуус халуун насандаа экс гишүүн Д.Одончимэдийн охин О.Одгэрэл хэмээх сайхан бүсгүйтэй амьдарч, дундаасаа нэг хүүхэдтэй болсон ч анхны амьдрал нь бүтэлгүйтсэн. Харин одоогийн гэргий Уянга нь “Хас” банкинд теллерээр ажиллаж байхдаа ирээдүйн нөхөртэйгөө танилцан өдгөө 5 сайхан хүүгийн аав ээж болоод байгаа. Уянга бүсгүйг DJ Амайн X, загвар өмсөгч, эдийн засагч, загварынхан дундаа “Хар Уянга” гэдгээрээ танил европжуу төрхтэй бүсгүй. Түүнийг өдгөө Ч.Ганхуяг ноёнтны амжилтын ар тал болж явааг сайшаах хүн олон.
Ч.Гантулга
Ахыгаа бодвол илүү зөөлөн характертай энэ залуу Чулууны гурван хөвгүүдээс хамгийн царайлаг нь гэх тодотголтой. Мөн л “Хас” банкинд хариуцлагатай ажил хийж буй Гантулгын хувьд цагтаа орос 3-р сургуульдаа алдартай “лака” Уянга хэмээх бүсгүйтэй заяа холбож хоёр хөөрхөн охины аав, ээж болсон. Харьцангуй залуу насандаа аав болсон түүнийг охинтойгоо хамт явж байхад нь найз бүсгүй нь хэмээн андуу бодох хүмүүс элбэг.
Ч.Ганзориг
Усны дусал гурван “Ган”-ы хамгийн багыг нь Ганзориг гэдэг. Ах нарын заасан замаар европт эрдэм номын мөр хөөж буй буй отгон хүү тун удахгүй Монголын шинэ үеийн залуу лидерүүдийн төлөөлөл болно гэдэгт эргэлзэх юмгүй санагдана. Тэрээр МАК-ын эрх гүнж Н.Цэлмүүнтэй романсдсаар удаж буй ч хуримын зар байтугай өөрсдийнхөө амнаас товтой үг ч унагаагүй явааг бодоход эцсийн шийдвэрээ хараахан гаргаж амжаагүй бололтой.
Сэтгэгдэл (10)