Монголын барилгын салбарын магнат, загалмайлсан эцэг ноён Д.Баттөр “Жигүүр” гуанзнаас “Жигүүр гранд” группээ байгуулж, бизнесийн вант улсаа тунхаглахдаа энэ амьдралд үзэж, туулаагүй зүйл ховор гэдэг. Тэр бүхэнд эрийн зангараг зааж, мэргэжлийн ур чадвараараа амжилтаа далласан түүний гэргий тус группийн дэд ерөнхийлөгч Н.Эрдэнэтунгалаг хатагтай төрөлх Ховддоо бие даан нэр дэвшиж буй. Хэзээ ч эмэгтэй нэр дэвшигчтэй байж үзээгүй ховдчууд бас ч гэж нутгийн охиндоо талтай байгаа гэдэг.
Энэ хатагтай ноён Д.Баттөрд 2 охин, нэг хүү төрүүлж өгчээ. Ээжтэйгээ усны дусал мэт адилхан отгон хүү Б.Бат-Эрдэнийг бид харж байна. Ноён Д.Баттөрийн цорын ганц голомт сахих нуган үр тэрээр зүй ёсоор “Жигүүр гранд”-ын өв залгамжлагч гэгддэг байна. Олон улсын дунд сургуульд суралцдаг залуу ноён Б.Бат-Эрдэнэ хааяахан хотын гудамжаар үнэ цэнэтэй машинаар салхи татуулан давхидаг. Фэйсбүүкийн идэвхтэй хэрэглэгчийн нэг тэрээр эл ягаан даашинзтай бүсгүйтэй үерхдэг бөгөөд миний хайр аа хэмээн их л халуун дулаан байх нь халуун хайр нь бололтой.
Сэтгэгдэл байхгүй байна