Эрдэнэзуу хийдээс алдагдсан долоон бурхныг цагдаагийнхан олж,сэжигтнүүдийг баривчилсан байна. Энэхүү бурхдыг тавдугаар сарын 18-19-нд шилжих шөнө Эрдэнэзуу хийдээс хулгайлсан юм.
XVIII зууны дунд үеийн түүхийн нэн ховор, хосгүй үнэт бүтээлүүдэд тооцогддог долоон бурхан буюу хөөмөл жавилтай, их бие болон суурь нь алтан шахмал, цутгамал, 22.8 кг жинтэй Дүйнхор бурхан, 1.595 кг жинтэй, гууль цутгамал, алтан шармал Жүгдэрнамжил бурхан, зэс хөөмөл, алтан шармал 1.230 кг жинтэй Майдар зэрэг бурхдыг Соёл спорт аялал жуулчлалын яамны сайд Ц.Оюунгэрэлд хүлээлгэн өглөө.
Бурхдыг мөрдөн байцаалтын үйл ажиллагаа дуустал Занабазарын нэрэмжит Дүрслэх урлагийн музейд түр байрлуулахаар хууль дүрмийнх нь дагуу хэмжилт тооллого хийж хүлээн авлаа. Мөрдөн байцаалтын үйл ажиллагаа дуусахад эдгээр бурхадыг Эрдэнэзуу хийдэд нь эргэн байрлуулах юм байна.
А.АМАР
Сэтгэгдэл (4)