Төрийн соёрхолт юм бол төрийн соёрхолт шиг л байцгаахсан. Яахав, энэ шагналыг заавал сахал үсэндээ баригдсан, цал буурал толгойтой өвөө, эмэгтэй бол эрүү өвдөг нь нийлж, таяг тулсан эмээ болсон хойноо ав гэж байгаа юм биш л дээ. Юм хөгжиж, хүмүүсийн биологийн нас залуужиж, шагнал хүртэхэд ч нас бол зүгээр л цифр болсон цагт хэн ч авч болно.
Сониноос, манай Төрийн соёрхолт дуучин Д.Болд ёстой зохихгүй имижээ олов оо. Түүний хамгийн сүүлд гаргасан “Хувцсаа тайлаад шид” дууны клип ийм үнэлгээг үзэгчдээс авав.
Утга учиргүй бохир наргиа, үсрээд л үсрээд л, хувцас нь тайлагдаж нисээд л, гоо зүйн ямар ч мэдрэмж төрүүлэмгүй дүр төрхийг клипнийхээ гол дүрүүдээр сонгосон байх юм. Клип ч тэр, кинонд ч тэр заавал нэг престиж гэж чухал юм байдаг даа. PSY-ийн дуунуудад л гэхэд ямар хөөрхөн бүсгүйчүүд гардаг билээ дээ. Гэтэл манай Төрийн соёрхолтын клипэн дээр ямар ч үзэл сурталгүй, “Нямдорж мэнгэ”-тэй бүсгүй явж байх юм.
Д.Болдод саравчтай малгайтай, булчин шөрмөс нь зангирсан залуугийн дүр зохисон уу, зохисон, монгол дээлтэй монгол попчины дүр зохисон уу, зохисон. Харин энэ удаад л биш шүү. Тэр лав шог, хошин темпийн хүн биш юм. Ёстой нөгөө Рагугийн хэлдгээр энэ төрөл дээр түүнд “Мээдрэмж байку”. Д.Болд минь дахиж л битгий ингэж том “тэнэгтээрэй” дээ.
Сэтгэгдэл (7)