Дайчин, гүн ухаанч, амьд үлдэхийн төлөө тэмцэгч гээд л түүнийг нэг үгээр илэрхийлнэ гэдэг хэцүү. Гагцхүү маргаангүй үнэн бол тэр өөрийнхөө хүслээр өөрийнхөө амьдралаар амьдардаг.
Хорин таван жилийн өмнө Мик хөгжингүй ертөнц бол түүний байх ёстой газар биш юм байна хэмээн үзэх болжээ. Бага насаа номхон далайн баруун хойд хэсгээр хэрэн хэсүүлчилж өнгөрүүлсэн тэрээр соёлжсон нийгмээс холдож Хох ширэнгэн ойн моддын дунд амьдрахаар Олимпик Пенинсулад ирсэн байна.
Сүүлийн хэдэн жилийн турш тэрээр өвгө дээдсийнхээ уламжлалаар Номхон далайн эргээр хөл нүцгэн тэнүүлчлэх нүүдэлчний амьдралаар амьдарч иржээ. Түүнийг багад нь өвөө нь нүүдэлчний зөн совингоо сонсож сурах хэрэгтэй хэмээн сургадаг байжээ.
Тэрээр ширэнгэн ойд модны мөчрөөр урц барьц, агуйд хоног төөрүүлж амьдардаг гэнэ.
Ширэнгэн ойн хүн болохынхоо өмнө тэрээр усан цэрэг байсан ба тулааны урлаг, гүн ухаанд суралцснаас гадна өөрийгөө эх оронч хэмээн тодотгох дуртай гэнэ.
Гэсэн ч тэрээр тийм ч нийгмээс тусгаарлагдсан зожиг нэгэн биш юм. Түүний амьдралыг харуулсан “The Legend of Mick Dodge” нэртэй реалити шоу Үндэсний Газарзүйн сувгаар гардаг юм байна.
Б.ЛХАГВА
Сэтгэгдэл (1)