Энэ удаад Хууль зүйн сайд Х.Тэмүүжинг огцруулах эсэх асуудлаар МАН-ын бүлэг тав хоногийн завсарлага авлаа. Сайдыг огцруулах эсэх асуудлыг бүтэн өдөржингөө хаалттай хэлэлцсэний эцэст ийн МАН-ынхан ”Мэдээлэл, хангалтгүй тодруулах шаардлагатай” гэж үзсэн юм байх.
Уг нь хаалттай хуралдаанд Улсын ерөнхий прокурор Д.Дорлигжав, Тагнуулын ерөнхий газрын дарга Б.Ариунсан, Цагдаагийн ерөнхий газрын дарга Б.Билэгт гээд л хамаг л “чухал” дуудаж асууж шалгасан.
Бас юу нь тодорхойгүй байсныг бүү мэд.
Ерөнхийлөгч Ц.Элбэгдоржийн телевизээр өгсөн алдарт ярилцлагаас хойш АН-ын гишүүд “Залуу хүн алдаа гаргасан байж болно, бас засч болно” гэсэн түүний үгийг тоть шиг давтах болж.
Х.Тэмүүжинг огцруулах санал өгч байсан Ж.Батзандан, Ш.Түвдэндорж, М.Зоригт нар ч гэсэн байр сууринаасаа “эргэлзэж” эхэлсэн гэнэ шүү.
Сэтгэгдэл (4)