Автобусанд нэг удаа ийм явдал болжээ. Хотын дарга Г.Мөнхбаяр нийтийн тээврээр ажилтныхаа хамт зорчиж ажил байдалтай нь танилцаж явж. Гэтэл кондуктор хотын даргаас мөнгө нэхжээ. Ажилтан нь ихэд сайширч “Хотын даргыгаа таньдаггүй юмуу” гэтэл кондуктор “Энэний хотын дарга гэж юу байдаг юм. Харах царайны ...” гэж урсгаад зад загнасан байна. Экс хотын дарга маань ийм л төлөв, олонд танил болоогүй хүн байлаа.
Түүний гэргий Х.Мөнх-Өнөр хэмээх энэ бүсгүй нөхөр нь хотын мэр байхад үргэлж камераас нуугдаж, зугтдаг байлаа. Улаанбаатар хотын 30 дах захирагчийн гэргий ОХУ-д боловсрол эзэмшин Колорадогийн их сургуульд төрийн удирдлагын чиглэлээр магистр хамгаалсан. Хосууд ОСННА-н зургадугаар конторт ажиллаж байхдаа анх танилцан амьдралаа холбосон гэдэг.
Тэндээ л ажиллаж тушаал дэвшсээр хотын дарга болсон Г.Мөнхбаяр ажлын төлөө төрсөн мэт бусад томоохон албан тушаалтнуудыг бодвол хэл балгүй албаа хаасан. Ямартаа л түүнийг нэг төрлийн “уйтгартай” хүн гэж хүмүүс дүгнэж байх вэ дээ.
Харин одоо бол нөхөр нь албанаас буусан тул Х.Мөнх-Өнөр ёстой хэнээс ч нуугдахгүй гэсэн шиг нүүр бардам камерын өмнүүр алхах болжээ.
Д.СЭРГЭЛЭН
Сэтгэгдэл (11)