Монголын хамгийн баян хатагтай хэмээгддэг “Петровис”-ын Ж.Оюунгэрэл бизнесээ удирдан явуулах өвөрмөц арга барилтай аж. НИК компанийн төв байрны зүүн доод жигүүрт “Хар сувд” нэртэй, нүсэр сүртэй засал чимэглэлтэй, үнэтэй ресторан бий. Энэ ресторан хатагтай Ж.Оюунгэрэлийн эзэмшлийнх юм. Уг нь НИК компани хэдэн зуун оффисын өрөө бүхий томоос том барилгатай. Гэвч Ж.Оюунгэрэл хатагтай бизнесээ “Хар сувд” рестораныхаа бэсрэгхэн ВИП өрөөнөөс явуулахыг илүүд үздэг байна.
Тэрээр нөхөр, охин хоёроо өдөржин дэргэдээ байлгаж, нөгөө л умгар өрөөнөөс хамаг ажлаа удирддаг гэдгийг тус рестораны ажилчид баталж байгаа юм. Ээжийнхээ ачаар өндөр боловсрол эзэмшсэн охин нь олны өмнө гараад байдаг шигээ үнэтэй хээнцэр хувцасгүй нүүрэндээ будаггүй, харин нөхөр нь дэгжин шаавай биш зүгээр л “Петровис”-ын хамгийн итгэлтэй ажилчид шиг Ж.Оюунгэрэл хатагтайн өмнө бөхөлзөн гүйхдээ биеэ дэндүү хайнга авч явдаг бөгөөд дандаа саравчтай малгай өмсөж явдаг гэнэ лээ.
Харин хатагтай Ж.Оюунгэрэл “нуувчнаасаа” хааяа нэг гарч явах бөгөөд 00 орох, зарим нэг томчуудыг тосох зэрэг ажилд биеэрээ оролцоно. Түүний орж гарч байгаа, ойр тойрныхоо хүмүүсийг өөртөө үйлчлүүлж байгаа зэрэг нь яг л мафи гэж ийм байдаг болов уу гэмээр аяг төрхтэй анзаарагддаг байна.
Тэр өрөөнөөс гарангуут хэнтэй ч дуугарахгүй бөгөөд “Петровис”-ын удирдах ажилтнууд түүнтэй уулзахаар ирээд нөгөө умгар өрөөнд бөхийж ороод бөгсөөрөө ухарч гардаг юм гэнэ. Тэгвэл нөхөр нь энд тэндэхийн үйл ажиллагаанд оролцдоггүй хэдий ч тоглолт бүхнийг алгасахгүй үздэг гэж болно.
Тэгэхдээ дандаа ганцаараа хэн бүхнээс ихэд болгоомжилон намайг харчих болов уу гэсэн шиг үргэлж нуугдаж явдаг ийм учиртай аж. Эхнэрийнхээ нуувчнаас зөвшөөрөлгүй гарсан бололтой үргэлж саравчтай малгай өмсөж нүүрээ дарж нуугдаж явдаг нь хатагтай Ж.Оюунгэрэлийн зөвлөгөө бололтой.
М.СОНОР
Сэтгэгдэл (8)