Энэ бүсгүйг бид хэзээнээс мэднэ. Хөтлөгч байхдаа “Тавилан” киноны танхил бүсгүйн дүрээр бидэнтэй учирч байсан тэр мөчөөс хойш он цаг урсан одсон ч нөгөө л янзаараа.
Түүний талаар авааль нөхөртөө орхигдон гээгдэж алс холын АНУ-г зорилоо гэх шуугиан харин ч удалгүй намжсан.
Телевиздээ эргэн ирж, дэлгэцийн бүтээлд тоглож Ч.Ундрал алдсан цагаа нөхөхөөр цуцалгүй хөдөлмөрлөж байна. Нэг үе сэтгэл санаа нь тогтворгүйтсэн ч топ Э.Одгэрэлийг дагаж балетаар хичээллэн өөртөө ихэд анхаарал тавьсан түүний зүтгэл талаар болсонгүй.
Үргэлж олны анхаарлын төвд байдаг олны танил хүн гэдэг утгаараа түүнийг хаа ч явсан “нүд” дагадаг. Хувийн амьдралд нь өөрчлөлт гарахад бүү хэл, багахан сэв суух үг цухуйхад эмзэглэхийн хэцүүг гэр бүлтэй хүн бүр бэлхнээ мэднэ.
Дуулиан үнэн ч байсан худлаа ч байсан Ч.Ундрал асуудлыг сэтгэлийн хаттайгаар даван туулж чадлаа. Тэр хэзээ ч гундахгүй, үргэлж сайхнаараа эрч хүч дүүрэн амьдардаг бүсгүй бололтой.
Д.СЭРГЭЛЭН
Сэтгэгдэл (1)