СУИС-ийн босгыг давж оюутан болуутаа л “Дэлхийд дурласан сар” кинонд тоглож олон арван кино, клипний дүрийг бүтээгээд амжсан залуу жүжигчин Б.Мишээл жүжигчин Анхаатай болзоод удаж буй.
Арваад насаар дүү бүсгүйн сэтгэлийг өөртөө татаж чадсан жүжигчин Анхаа өмнө нь хөтлөгч Зулаатай он удаан жил үерхэж нөхөрлөсөн. Хаана ч хамтдаа хөтлөлцөн явж харагддаг байсан тэнд сүүлийн үед хамтдаа үзэгдэж харагдахгүй байсан нь “нялх ногоо зулгаасантай” холбоотой аж.
Жүжигчин Анхаа гэхээсээ илүүтэй хөтлөгч Зулаагийн сүүдэр гэдгээр нь таних энэ шавлигхан залуугийн мэргэжил бас тодорхойгүй гэж байгаа.
Жүжигчин, дуучин, хөтлөгч гээд ялгаж танихад хэцүү Анхаа хамгийн отгон продакшн “Эмоци”-д харьяалагдаж байгаа гэнэ. Олон жил энд тэнд үсэрч дэвхцэж хэл ам татлаж явсны эцэст тэрээр арваад насаар дүү бүсгүйтэй романс үүсгэж одоо л нэг тогтож суух шинжтэй хэмээн ойр тойрныхон шивэр авир хийж байна.
Харин хөтлөгч Мөөм Зулаа нь хаана юу хийж яваа бол гэдэг бас сонин байна. Хамгийн анх Төрийн соёрхолт дуучин Д.Болдтой нэр холбогдож эцэст нь бизнесмэн эртэй хуримлах дээрээ тулсан Мөөм Зулаа усанд хаясан чулуу аятай алга болсон юуны учир вэ.
Үүнийг Анхаа л мэдэж байгаа байх даа.
М.СОНОР
Сэтгэгдэл (5)