“Үргээлэг” их хотыг хуйлруулж буй даацтай уран бүтээл болох нь кино театрын танхим пиг үзэгчтэй байгаагаас харагдаж байна. Энэхүү уран бүтээлд нэгэн “битүү морь” гарч ирсэн нь жүжигчин Ж.Баясгалан. Уг нь тэр “Тайчигч хөвгүүд ба саарал гудамж”, “Бодлын хулгайч” кинонд тоглож байсан боловч нэг л сэтгэлд тод үлдээгүй байсан юм.
Үзэсгэлэнт гэргий, бяцхан хүүтэйгээ улаан хивсэн дээр алхсан Ж.Баясгалан Hollywood smile гялалзуулж, эргэлдсэн давхраатай алаг нүдээр мишээх нь содон. Эднийхэн тэр чигээрээ “нүд”.
Түүний гэргий Э.Мөнхтуяа бүжигчин бөгөөд Хүмүүнлэгийн ухааны их сургуулийг дүүргэсэн юм билээ. Улаан хивсний ёслолд зориулж чамгүй өндөр үнээр авсан даашинз нь үнэхээр ч нүнжигтэй харагдаж байгаа биз.
Ж.Баясгалан уул уурхайн салбарт бизнес эрхэлдэг бөгөөд бийлэгжүү нэгэн. Найзуудынхаа уран бүтээлийг спонсорлоход гар татдаггүй түүнийг “Баян Баясаа” гэж зарим нөхөд нь хошигнодог юм билээ.
Урлагт нэг ч гэсэн баян хүн байх муу нь юу байх вэ. Сайн уран бүтээлд мөнгө харамгүй зараарай, Баясаа!
У.ЦАХИРМАА
Сэтгэгдэл (3)