Grandnews.mn сайт “Хэн нь хамгийн секси вэ” гэсэн санал асуулгыг явуулж буй. Энэхүү санал асуулгад дуучин Д.Болд, Дуучин Д.Болд, Соёл, спорт, аялал жуулчлалын яамны Соёл урлагийн газрын дарга Н.Оргил, жүжигчин Г.Эрдэнэбилэг, жүжигчин Б.Амарсайхан нар өрсөлдөж байгаа билээ.
Овог нэр: Доржсүрэнгийн Болд
Төрсөн он сар өдөр: 1978.11.16-нд Улаанбаатар хотод төрсөн
Гэр бүл: Эхнэр, 2 хүү, охины хамт амьдардаг.
Хар залуугаараа Монгол Улсын Төрийн соёрхол хэмээх нэр хүндтэй шагнал авсан дуучин Д.Болд долоон цомог, бие даасан том тоглолт гурван удаа хийсэн, “Монгол поп” урсгалыг дэлхийн хэмжээнд гаргахыг мөрөөдөж явдаг.
Үе үе булчинлаг бие хаагаараа гайхуулж, хувцаслалт, стиль имижээрээ урлагийнхан дотроо тэргүүн эгнээнд явдаг түүнд Монголд анх хөвгүүдийн хамтлаг байгуулагдан гарч ирэхэд охидыг хуйлруулж, дурлалын шүтээн болж явсан үе бий. Өдгөө ч олны анхаарлыг татсан залуу хэмээн нэрлэгдэж байна.
Д.Болд “Гранд рейтинг” санал асуулгад 4,1 хувийн санал аваад байна.
Соёл, спорт, аялал жуулчлалын яамны Соёл урлагийн газрын дарга Н.Оргил
Ургийн овог: Оргил Махаан
Овог нэр: Нарангэрэлийн Оргил
Төрсөн он сар өдөр: 1974 оны 7 сарын 27-нд төрсөн.
Гэр бүл: Эхнэр, охины хамт амьдардаг.
Дуучин Б.Сарантуяагийн алдарт “Мартья” дууны клипэнд тоглож олны анхаарлыг татаж байсан Н.Оргил эдүгээ яамны хэлтсийн дарга томоотой эр болсон. Өвөрмөц эрлийз төрх, мөн л өвөрмөц содон хувцаслалттай Н.Оргил манай шалгаруулалтад 10,7 хувийн санал аваад байна.
УДЭТ-ын жүжигчин Г.Эрдэнэбилэг
Овог нэр: Ганболдын Эрдэнэбилэг
Төрсөн он сар өдөр: 1977 онд Улаанбаатар хотод төрсөн.
Гэр бүл:. Эхнэрийн хамт амьдардаг.
Нас зүс тэнцүү, дуулбал ч дуулдаг, бүжиглэвэл ч бүжиглэдэг найз дөрвөн залуу Драмын дөрвөл хэмээн нэрлэдэг.
Тэдэн дундаас стиль, имижээрээ ч илт ялгардаг Г.Эрдэнэбилэгийг Монголын хүсэмжит залуугаар шалгаруулж байсан нь бий. Удтал ганц бие хэмээн охидын анхаарлыг онцгой татаж байсан тэрээр саяхан гэргийгээ олон нийтэд зарлаж, чамгүй олон бүсгүйн зүрхийг шархлуулсан жүжигчин Эрдэнэбилэг одоогоор 19,6 хувийн санал авч, санал асуулгыг удаалж байна.
Жүжигчин Б.Амарсайхан
Овог нэр: Балжиннямын Амарсайхан
Төрсөн он сар өдөр:
Гэр бүл: Эхнэртэй хувийн амьдралаа их нууцалдаг
Холливудад дүр бүтээж байгаа Монголын хамгийн анхны жүжигчин болсон Б.Амарсайхан нэгэн үе шөнийн клубуудэд тайчих үзүүлбэр үзүүлж, Монголын шөнийн хунтайж гэсэн алдрыг хүртэж байв.
Намайг “Амараа гэдэг...” хэмээх роликоороо алдартай Амараа киноны баатарлаг, тулаант дүрийг ихэвчлэн бүтээдэг.
Бодибилдингээр хичээллэж бие бялдраа хөгжүүлдэг Амараа одоогийн байдлаар манай шалгаруулалтад хамгийн их буюу 65,7 хувийн санал аваад байна.
Одоогийн байдлаар манай дөрвөн өрсөлдөгч ийнхүү өрсөлдөж байна.
Мөн уншигчдын зүгээс жүжигчин Э.Ууганбаярыг уг шалгаруулалтад оролцуулах хүсэлт гаргасан юм. Сүүлийн үеийн хамгийн нэр хүндтэй, томоохон хэмжээний арга хэмжээ, ёслолыг хөтөлдөг болсон жүжигчин Э.Ууганбаяр хөгжилтэй яриа, сэргэлэн зангаараа ямар ч арга хэмжээг уйдаахгүй сонирхолтой хөтөлдөг. Түүний бүтээсэн дүрүүдэд олон нийтэд ихэд таалагддаг билээ.
Хэдийгээр бид санал асуулга явуулахаар дөрвөн нэр дэвшигчийг сонгосон ч уншигчдын хүсэлтийг харгалзан үзэх ёстой гэж үзэж байгаа. Гэхдээ мэдээж хүсэлт олонхийнх байх ёстой.
Тийм учраас та сэтгэгдэл хэсэгт саналаа илэрхийлээрэй
Энэхүү санал асуулгад жүжигчин Э.Ууганбаярыг оролцуулах ёстой юу? Та юу гэж бодож байна.
Сэтгэгдэл (22)