Тун загварлаг, өвөрмөц төрхтэй энэ бүсгүйг та модель гэж битгий андуураарай. Нийтлэлч Д.Болдхуяг, зохиолч Б.Шүүдэрцэцэг нар гурван охинтой. Бид тэдний бага охидыг “Ану хатан” кинон дээрээс харсан бол харин том охин нь энэ дэгжин бүсгүй.
Б.Амина Австралийн Мартини коллежийг компьютер дизайны мэргэжлээр дүүргэсэн ба үргэлжлүүлэн Сиднейн их сургуулийн найруулагчийн ангид суралцаж буй. Ээж аавдаа хэлэлгүй сонирхлын дагуу найруулагч мэргэжил сонгосон түүний сонголт гэрийнхнийг нь багагүй цочирдуулсан гэдэг.
“Анна Франкийн өдрийн тэмдэглэл”, Симон Де Бовуарын “Дайвар хүйстэн” номуудын орчуулгын багт 18 настайдаа ажиллаж байсан гэхээр Б.Амина бага байхын “гавал” байжээ.
Нэгдүгээр сургуулийг онц төгссөн, балетаар хичээллэдэг, төгөлдөр хуур дардаг, философи сонирхдог Б.Амина хилийн чанадад өөрийн хөтөлдөг Fashion blog-оор багагүй нэртэй болсон гэнэ. Бие хаа, царай төрх өв тэгш охинд өөрөө модель нь болж брэнд хувцаснуудыг сурталчлах тийм ч хэцүү биш бололтой.
Ээжийнхээ “Сүүлчин өртөө” өгүүллэгээр дэлхийн хэмжээний кино хийх мөрөөдөлтэй охинд дүр бүтээх санал ч олноор ирдэг байна.
Б.Уян
Сэтгэгдэл (8)