Өдгөө 50 настай Холливудын супер од Брад Питтийн тоглосон шинэ кино “Fury” энэ оны арваннэгдүгээр сард нээлтээ хийх юм байна. Тэрээр уг кинонд “Wardaddy” хэмээх АНУ -ийн цэргийн армийн түрүүчийн дүрийг бүтээж байгаа аж.
Киноны найруулагч Давид Айер “People” сэтгүүлд өгсөн ярилцлагадаа “Түүний бүтээж байгаа уг дүр нь өмнө бүтээж байсан дүрүүдээс нь өөр байх болно” гэж хэлсэн байна.
АНУ-ийн армийн тухай өгүүлэх уг кинонд Брад Питтээс гадна “Трансформерс” киноны гол дүр Шайа Лабаф, Майкл Пенья, болон “Перси Жексон” киноны Логан Лерман нарын жүжигчид тоглож байгаа юм.
Кинон гол “дүр” нь Германы “Бар” танк бөгөөд музейгээс уг танкийг зээлж кино зураг авалтандаа ашиглаж байгаа аж.
“Энэ танкны даатгал ямар үнэтэйг би хэлж чадахгүй нь. Тэгэхдээ л галзуурмаар үнэтэй шүү. Үнэндээ танк маань тун гайхалтай ажиллаж байгаа. Магадгүй гадуур давхих сайхан санагдсан байж магадгүй. Танкнууд угаасаа ширүүн давхихаар бүтээгдсэн шүү дээ” хэмээн Айер ярьжээ.
Сэтгэгдэл (2)