Сүүлийн үед бэлгийн тал дээр “хөрсөн” юм шиг кино, уран бүтээлчид эротик үзэгдлээс зугтах болсон. Харин хамгийн сүүлд нээлтээ хийсэн “Тэртээх ертөнцийн хөгжимчин” кинонд ийм үзэгдэл гарч олны анхаарлыг ихэд татав.
Нүцгэн хүүхэн, залуу ямар үзээгүй биш, юун сүртэй юм гэж байсан зарим нь гол дүрийн “эротик залуу” хэн болохыг мэдээд сонирхол нь улам төрж байх шиг. Тэгвэл амтлаг исгэлэн жимснүүд болох “Киви” хамтлагийн хар сувд Б.Намуунаагийн экс найз залуу Л.Гантулга энэхүү киноны гол дүрийг бүтээсэн юм.
Тэрээр СУИС төгссөн, дөнгөж 20 гарч яваа кино ертөнцөд бол шинэхэн, халуухан “талх” билээ. Анхны гол дүрээ бүтээсэн түүний түүхий юу, халуухан уу, авьяастай юу гэдгээ харуулах торгон мөч одоо тохиож байна.
Ямартай ч нуруугаар өндөрт тооцогдох Л.Гантулга харагдах байдал нь дажгүй юм гэж үзэгчид шивэр авир хийж байна билээ. Б.Намуунаатай буудлаас гарч яваа дотно агшин нь хэвлэлээр гарч байсан Л.Гантулга кино уран бүтээлд тоглосон даруйдаа эротик имиж үзүүлээд авав.
Үзэгчид “Киви-гийн Намуунаагийн эксийг “үзэх” үү гэж бие биеэ нудчиж байна лээ шүү. Киноныхоо трейллерт Л.Гантулга нүцгэлж, шалдалж, элдэвлэж байгаа хэсэг гардаг нь хүмүүсийн сонирхлыг ихэд татаж байгаа аж.
Охидуудад ямартай ч Л.Гантулга таалагддаг дүр болох уу үгүй юу харах л үлдлээ.
Д.Сэргэлэн
Сэтгэгдэл (3)