Монгол Улсын Гавьяат Тамирчин, буудлагын спортын ОУХМастер Д.Мөнхбаяр ХБНГУ-ын иргэн болж, элэг нэгтнээ гомдоож байсан цаг саяхан.
Герман гэдэг улсын нэрийн өмнөөс олимпт оролцож, герман нөхөртэй болоод арваад жилийн нүүрийг үзэж буй тамирчин бүсгүй өдгөө харин Монгол Улсынхаа иргэншлээ сэргээх гээд гуйж цөхрөөд байна. Тэрээр энэхүү хүсэлтээ өнгөрсөн жилийн зургадугаар сард гаргасан ч Ерөнхийлөгч Ц.Элбэгдорж болон Гадаадын иргэн, харьяатын асуудал эрхлэх албанаас татгалзсан хариу өгсөн байна.
Шинэ оны дараахан дахин Монгол Улсын иргэн болох хүсэлт гаргаад мөн л бүтэлгүй хариу сонсчээ. Түүний Монгол Улсын иргэн болох хүсэлтийг ийнхүү зөвшөөрөхгүй буцаагаад байгаагийн учир нь герман нөхөртэй нь холбоотой аж.
Хэдийгээр Д.Мөнхбаяр нөхрөөсөө салаад удаж байгаа ч гэсэн түүнд албаныхан "Танай нөхөр чинь германы цэргийн армид тусгай алба хашиж байсан. Тийм учраас ТЕГ чамайг шалгана" гэх зэрэг хариулт өгсөн байна.
Ийм асуудлын эцсийн шийдвэрийг Ерөнхийлөгч гаргадаг бөгөөд "Нэгдүгээр хүн" зөвшөөрөхгүй байгаад Гавьяат Тамирчин ихэд гомдсон сурагтай.
М.Сонор
Сэтгэгдэл (7)