“Шоубиз”-ээр гараагаа эхэлж, “Луйврын хот”-ыг хийх гэж байгаад золтой л мөхчихөөгүй Г.Анхбаярын уран бүтээлчийн замнал үргэлжилж буй. Хаа очиж сүүлд өөрөө найруулан, дүр бүтээсэн “Луйврын хот” кино нь явууртай болж мань хүн ч Нбаатай нийлэн “Фэйсбүүк эрхмүүд” хэмээх нэвтрүүлэг хийн амжилтаа улам бататгаж яваа.
Шогийн мэдрэмж сайтай, хөгжилтэй төрхтэй түүний дүр төрхөд тохирох реклам ч олон байдаг бололтой. Самбуу засалтын үстэй Анхаа “Лапша” гоймонгийн рекламанд хүртэл “тууж” яваа харагдана лээ.
Гэр бүлийн тал дээр бодсон юмгүй хийсэж явсан Анхаа нэг л өдөр залуу жүжигчин, оюутан охин Б.Мишээлтэй гарч ирж олны нүдийг хужирлав. “Орчлон” сургуулийг дүүргэсэн, боломжийн айлын өнгө үзэсгэлэн төгс, төлөв охин түүнийг “Хайраа” гэж цахим хуудаснаа дотночлох нь ёстой олны нүдийг хужирлаж байна.
Арав гаруй насаар ах, ам фигур гэж хэнийг ч урдаа гишгүүлэхгүй Анхаа жаахан охины толгойг ядах юмгүй эргүүлээ биз хүмүүс эгдүүцэж, үзэл бодлоо илэрхийлж харагдсан.
“Дэлхийд дурласан сар”, “Голланд сарнай” саяхан нээлтээ хийсэн “Тэртээх ертөнцийн хөгжимчин” кинонд Б.Мишээл гол дүр бүтээгээд байгаа. “Үүлэн үст” клипэнд ч түүний хөөрхөн төрх багагүй чимэг нэмдэг.
Өсөх ирээдүйтэй, авьяаслаг, цэцэг шиг насандаа яваа хөөрхөн охины толгойг эргүүлж, сүүдрээ тусгасан Анхаа л харин хүмүүсийн нүдний үзүүрт бүртэлзсэн хэвээр.
Энэ хоёрын хослол яагаад ч юм олны талархлыг хүлээхгүй нь бололтой шүү. Зарим хүмүүс ил цагаанаар “Анхаа жаахан охин бузарлахаа больё оо” гэж сэтгэгдэл харамгүй шидэж байна лээ шүү.
А.Энхлэн
Сэтгэгдэл (32)