Н.Отгонтогос honey-гоо дуудсаар

Жүжигчин Н.Отгонтогосыг эцэг эхээс заяасан нэрээр нь бус “Мандухай цэцэн хатан”  киноны Алтжингийн нэрээр нь үзэгч олон нэршчихсэн гэж хэлж болно. 

Ямар сайндаа л өөрөө ч намайг хүмүүс Алтжин л гэдэг юм гэж байхав. 

Үнэндээ ч түүний 22 насандаа бүтээсэн Алтжингийн дүр домог болсон АЖ Цогзолмаа гуайн бүтээсэн “Цогт тайж” киноны Түвдийн  гүнжийн дүрийн дараа бичигддэг. 
Нүцгэн цээж ч харуулдаггүй байсан социализмын үед Батмөнх даян хаантай энгэр зөрүүлэх гоо бүсгүйн дүр жинхэнэ шуугиан тарьж, бүр хөдөөгүүр яг энэ хэсгийг гаргахдаа киномеханикч нь камерынхаа өмнүүр гараараа хаачихдаг байсан гэдэг. 

Мэдээж энэ хэсэгт залуухан сайхан бүсгүйн гоо үзэсгэлэн илүүтэй анхаарал татсан. Тийм тулдаа ч 500 гаруй бүсгүйчүүдээс Н.Отгонтогосыг сонгож, “Нүцгэн зураг авахгүй, дараа нь монтажийн аргаар үзүүлнэ” гэж хуурч байгаад кинонд тоглуулчихсан гэдэг. 
Харин сүүлхэн хэрд жүжигчин Н.Отгонтогосыг “Хайрын эрэлд” олон ангит киноны айлын аавыг урвуулчихдаг, галзуу, ганган хээнцэр бүсгүйн дүрээр нэрлэх болсон. 

Ялангуяа эхнэрээс нь урвуулаад хажуудаа аргамжчихсан хижээл эрээ “Honey” гэж хошуугаа унжуулан дуудах бараг “моод” болсон гэж байгаа. Тэгвэл жүжигчин Н.Отгонтогос өөрөө ч амьдрал дээр энэ үгийг хэрэглэх дуртай бололтой. Саяхан болсон нэгэн киноны нээлт дээр цуг явсан найз эмэгтэйгээ “Honey” гэж дуудаж байна лээ.  

А.АНУ