Н.Алтайхүү нэрээ Астро болгосон дуучин залуу өөрөөсөө 12 насаар эгч Б.Оюунтуяа гэх бүсгүйтэй ханилсан билээ. Эхнэр нь урьдын амьдралаасаа хоёр хүүхэдтэй үлдсэн тул дүүмэдхэн амраг нь хэсэгтээ л сайн хойд аав болох гэж бажгадаж явсан гэдэг.
Хосууд хэдэн жилийн өмнө хүүтэй болсноор Астро ч уран бүтээлээсээ хөндийрсөн бөгөөд шоу менежерээр ажилладаг эхнэр нь хувийн бизнесээ өргөжүүлэн түүнийг уруу татсан аж. Этгээд маягаар хувцаслан хэний ч өмнө бардам алхдаг энэ бүсгүйд Астро хайртай гэдгээ үргэлж илэрхийлдэг. Энэ ч утгаараа, хүүхдэрхүү төрхөө гээж урьдынхаасаа илүү намбалаг харагдах болсон тэрбээр “Манай эхнэр эерэг энерги түгээдэг цоглог бүсгүй” гэж тодорхойлсон удаатай.
Юутай ч, томоохон арга хэмжээнд нөхрөөсөө илүү олны анхаарлыг татдаг Б.Оюунтуяа дуучин Астрод хөөрхөн хүү төрүүлж өгсөндөө баяртай явдаг аж. 40 насны босго хэдийнэ давсан ч гэлээ, залуухан охидоос дутахааргүй дэгжин харагддаг тэрбээр дахин хөл хүндтэй болсон бөгөөд дуучин Астро ч халамж анхаарлаа сайжруулсан сурагтай.
С.Цахиур
www.zone.mn
Сэтгэгдэл (1)