Хүмүүнлэгийн их сургуулийн олон улсын сэтгүүлчийн ангийг дүүргэсэн авьяаслаг сэргэлэн, алаг нүдэн энэ бүсгүй цагтаа Монгол Улсын Төрийн шагналт, яруу найрагч Р.Чойномын зүрх сэтгэлийг эзэмдэж, түүнээс хайрын захиа хүртэл авч явсан “Сити” дээд сургуулийн захирал Ц.Байгалмаагийн бэр. Бүр тодруулбал УИХ-ын экс гишүүн Д.Дэмбэрэлцэрэнгийн бага бэрээр тодроод удаж буй юм. “S&I” хамтлагийн “Намайг сэргээсэн хайр” дууны клипэнд тоглосноор олны анхааралд өртсөн цэвэрхэн бор, царайлаг бүсгүй М.Мөнхжаргал загвар өмсөгч, фото модель болон тайзнаа ид гунхаж явах үедээ олон эрчүүдийг хойноосоо гүйлгээд амжсан сайхан бүсгүй. Загварын цуутай бүсгүйчүүдийн нэгэн адил нэг хэсэг "Эрэл"-ийн Б.Эрдэнэбатын хүүгийн найз бүсгүйгээр тодорч, тун ч халуун дотно хамтдаа авахуулсан зураг нь хэвлэлээр нэг гарч байсан залуу насны задгай намтар ч түүнд бий. Тэрээр Ц.Байгалмаа захирлын бага хүү Д.Мөнх-Эрдэнэтэй гэр бүл болоод удаж буй бөгөөд хосууд тун удахгүй хоёр дахь хүүхдээ өлгийдөх сурагтай. “Өнөөдөр” сонин дараа нь “Боловсрол” телевизэд хөтлөгч, Дэлхийн миссийн тэмцээнээс хүртэл сурвалжлага хийж сэтгүүлчийн ур чадвар харуулж байгаад “City” дээд сургуулийн сургалтын албаны даргын үүрэг хүлээн таг болсон М.Мөнхжаргал саяхан болж өнгөрсөн “Камертон-2“ шоуг хөтлөж байсныг уншигчид маань анзаарсан биз ээ.
Сэтгэгдэл (1)