Монгол Улсын Даян аварга Г.Өсөхбаярын гэргий Б.Нарантуяаг сайн хань, сайхан бүсгүй хэмээн хэлтэй амтай бүхэн магтан шагшдаг. Бээжингийн Анагаахын сургууль дүүргэж Эрүүл мэндийн яаманд мэргэжилтнээс эхлээд мэргэжлийн хяналтын газар хүртэл ажиллаж явсан тэрээр шинэ засгийн нөлөөнд Хүн амын хөгжил, нийгмийн хамгааллын яамны харъяа Сэргээн засалт хөгжлийн үндэсний төвийн гүйцэтгэх захирлын албыг хаших болсон. Харин заяаны ханиуд адилхан байдаг гэхчлэн нуруу туруу, царай зүс тун ч ойролцоо хосууд тэртээ 15 жилийн өмнө хуримаа хийж, удалгүй үрийн зулай үнэрлэсэн нь ганц охин нь. Түүнээс хойш дандаа хүү өлгийдсөн хосууд “Монголын үрс маш олон болтугай” хэмээн их зохиолч Д.Нацагдоржийн чандлан захисан гэрээсийг чадалтай дээрээ биелүүлэхээр хүчин зүтгэж өдгөө зургаан сайхан хүүхдийн эцэг эх болсон. Тэгвэл араасаа таван эрэгтэй дүү дагуулсан аваргын ганц охин энэ бүсгүйг Г.Ундраа гэдэг. Аргагүй л арал чацаараа аархдаг аваргын охин гэсэн шиг нуруу туруу, царай зүс сайтай түүнийг аавтайгаа ийн хөтлөлцөн явахыг харсан хүмүүс “Залуухан эхнэртэй болсон юм уу?” гэхчлэн шивэр авир хийж байсан юм шүү. 
Сэтгэгдэл байхгүй байна