Өөрийгөө Рок попын феррари гэж нэгэнтээ тодорхойлсон "Никитон"-ы Баачка өнгөрсөн жил үнэнч фэнүүддээ удтал хүлээлгэж байж доргио тоглолт хийн бэлэг барьсан. Анхны эхнэрээсээ салж Америкаас ирээд Зайсан дахь гэртээ төгөлдөр хуур, немц обчаркаар хань хийж олон жил гоонь амьдарсан тэрээр залуухан гэргийтэй болж байсныг бид мэдээлж байсан. Түүний гэргий Энхтуяа “Монгол костюмс”-ын загвар өмсөгч билээ. Хосууд өнгөрсөн жил анхны хүүгээ өлгийдөн авч байсан бол хэдхэн сарын өмнө охин үртэй болсон. Баачка анхны эхнэрээсээ нэг хүүтэй бөгөөд хүү Мянхай нь Америкт ээжтэйгээ амьдарч байгаа. Урлагийн гавьяат зүтгэлтэн цол тэмдгээр энгэрээ мялаасан Баачкагийн гэргий амаржсанаасаа хойш анх удаагаа охиноо дагуулан олны газар гарч ирсэн нь энэ. 
Сэтгэгдэл (1)