Хөгжмийн зохиолч, Урлагийн гавъяат зүтгэлтэн Б.Шаравын “Аминаас үнэтэй Монгол” хэмээх дууг Ардын жүжигчин А.Долгортой хамтран дуулсан залуу дуучин Л.Солонго бие даасан “Хүслийн бороо” цомгоо худалдаанд гаргаад дуаагүй байгаа билээ.
Тэрбээр гавьяат жүжигчин Т.Ариунаа, ДБЭТ-ын гоцлол дуучин МУГЖ С.Мөнгөнцэцэг нарын төгссөн Болгар улсын Софи хотын Хөгжмийн академид суралцдаг бөгөөд амралт чөлөөт заваараа Монголдоо ирдэг бол энэ удаад нэлээд удаан саатаад байгаа аж. Өчигдөрхөн шинэхэн номныхоо нээлт хийсэн яруу найрагч М.Хүрэлсүхийн гэргий болсон дуучин Солонго өдгөө 8 сартай жирэмсэн нөхрийнхөө номын нээлтэнд ирэхдээ манай дуранд өртсөн энэ. Хосууд олон жил үерхэж дотносож тун удахгүй анхныхаа хүүхдийг өлгийдөн авах гэж байгаа аж. Уран бүтээлээрээ холбогдсон хосууд маань Монгол, Болгар улсын хооронд жим гартал явж уран бүтээл, хувийн амьдралаа цалгардуулахгүй хорвоод мэндлэх бяцхан үрээ тэсэн ядан хүлээж байгаа гэнэ лээ. Ингээд уран бүтээлч, хөдөлмөрч урлагийн хосууддаа аз жаргал хүсье.
Сэтгэгдэл байхгүй байна